Канал «Культура» Беларускага радыё вызначыў пераможцаў радыёконкурсу сучаснай п'есы «Беларускі радыётэатр 2.0», які быў абвешчаны ў сакавіку і прысвячаўся 95-годдзю айчыннага радыёвяшчання.
Арганізатар творчага спаборніцтва прапанаваў на выбар чатыры тэмы для конкурсных матэрыялаў: «Сучасная беларуская культура і нацыянальныя традыцыі», «Чалавек у глабальным свеце», «Сучасная асоба і радыё» і «Гарманічныя адносіны чалавека з прыродай». Сярод асноўных задач конкурсу былі пошук таленавітых сучасных аўтараў, развіццё мастацкага радыёвяшчання ў краіне, стымуляванне творчай моладзі і яе далучэнне да радыёвяшчання.
Удзельнікамі конкурсу сталі самадзейныя і прафесійныя драматургі розных узростаў са сталіцы, абласных і раённых цэнтраў. Найбольшую цікавасць аўтараў выклікалі маральна-этычныя праблемы ў сучасным грамадстве. Згодна з рашэннем журы, у склад якога ўваходзілі прафесійныя пісьменнікі, прадстаўнікі тэатральнага і радыёмастацтва, вызначаны ўладальнікі другога і трэцяга месцаў. Імі сталі Васіль Ткачоў з Гомеля за п'есу «Пераправа» і Улада Альхоўская за п'есу «Гэты ваш лес». Пераможцы атрымаюць дыпломы і памятныя прызы ад арганізатара.
Алена ДРАПКО
Спасылкі
[1] https://zviazda.by/be/tags/alena-drapko
[2] https://zviazda.by/be/gramadstva
[3] https://zviazda.by/be/medyya
[4] https://zviazda.by/be/kultura
[5] https://zviazda.by/be/tags/kanal-kultura-1
[6] https://zviazda.by/be/tags/radyyo
[7] https://zviazda.by/be/tags/konkurs
[8] https://zviazda.by/be/tags/peramozhcy