Напярэдадні калядных і навагодніх святаў чатыры самыя буйныя канфесіі Беларусі падпісалі зварот, п [3]ерадае [3] БЕЛТА.
«Набліжаюцца радасныя святочныя дні, якія заўсёды адзначаюцца ў нашай краіне ў духу свету, узаемапавагі і добрасуседства. Шлях да міру і згоды быў доўгім, праз скруху і выпрабаванні. Жахі войнаў і хаос супрацьстаянняў, якія пачыналіся са спрэчак аб праўдзе, пераканалі нашых продкаў, што мір на зямлі, дзе Бог вызначыў жыць разам людзям розных нацыянальнасцяў, рэлігій і поглядаў, ёсць самая галоўная задача і ўрок чалавечага жыцця. Таму нашы продкі будавалі храмы на адных вуліцах, разам абаранялі Радзіму, — гаворыцца ў звароце. — Кожны з нас ведае , каб любіць Бога, трэба навучыцца любіць чалавека. У гісторыі было шмат людзей, якія сваёй дабрынёй ратавалі іншаверцаў, людзей іншых перакананняў. Наша сумесная гісторыя багатая шматлікімі прыкладамі ахвяравання дзеля таго, хто побач».
Як адзначаецца ў сумесным звароце чатырох канфесій да беларусаў, адзіным для ўсіх рэлігій з’яўляецца паняцце міру і любові да бліжняга. «Значыць ва ўсіх нас, такіх розных, ёсць агульнае, што можа дапамагчы ўбачыць у нядобразычліўцы ці варожа настроенага супраць нас не ворага, а бліжняга. Дабрынёй і любоўю да Бога, яднаннем сеецца мір на зямлі, але перш ён пасяляецца ў адкрытым і чыстым ад граху сэрцы асобнага чалавека. Мудрасць нашых продкаў вучыць нас жыць з малітвай да Бога, з павагай да бацькоў і старэйшых, з клопатам пра дзяцей і бедных, з павагай да бліжняга і любоўю да нашага агульнага дома, — нагадваюць аўтары звароту. — Завяршаецца каляндарны год, і мы звяртаем наша слова любові з перажываннем да кожнага суайчынніка і заклікаем да міру, да даравання і прымірэння; заклікаем забыць крыўды і працягнуць будаваць наш агульны дом зноў і разам. Кожны народжаны па благаславенні звыш хай будзе варты быць у ім жаданым жыльцом, суседам, сябрам, сваяком і блізкім чалавекам».
Зварот чатырох канфесій да беларусаў аб міры падпісалі мітрапаліт Мінскі і Заслаўскі, Патрыяршы Экзарх усяе Беларусі Веніямін, апостальскі нунцый, арцыбіскуп Антэ Ёзіч, старшыня Мусульманскага рэлігійнага аб’яднання ў Беларусі муфцій Абу-Бекір Шабановіч і галоўны рабін Аб’яднання іудзейскіх рэлігійных абшчын Дойч Шнэер Заламан.
Прэв’ю: znaj.ua
Спасылкі
[1] https://zviazda.by/be/gramadstva
[2] https://zviazda.by/be/religiya
[3] https://www.belta.by/society/view/chetyre-samye-krupnye-konfessii-belarusi-podpisali-obraschenie-o-mire-421160-2020/
[4] https://zviazda.by/be/tags/zvarot
[5] https://zviazda.by/be/tags/kanfesii
[6] https://zviazda.by/be/tags/mir
[7] https://zviazda.by/be/tags/religiya