Электронны кірмаш вакансій пройдзе 22 студзеня ў Гомелі з 10:00 да 12:00, паведамілі [1] БелТА ва ўпраўленні па працы, занятасцi i сацыяльнай абароне Гомельскага гарвыканкама.
Свае прапановы прадпрыемствы акумулююць на адзінай інфармацыйнай пляцоўцы [2]. Тут у анлайн-рэжыме магчымы дыялог наймальніка з сушукальнікам. Патэнцыйны працаўнік можа перадаць сваё рэзюмэ і задаць пытанні.
На дадзены момант вакансіі прадставілі чатыры прадпрыемствы. КУП «Гарэлектратранспарт» гатовы разгледзець кандыдатуры на месца кіроўцы аўтамабіля і тралейбуса, кузаўшчыка, маляра, слесара-электрыка па рамонце электраабсталявання, токара, электраманцёра па выпрабаваннях і вымярэннях.
У ААТ «Гомельжалезабетон» патрабуюцца арматуршчык, кранаўшчык, аператар пульта кіравання ў вытворчасці будаўнічых вырабаў, аддзелачнік жалезабетонных вырабаў, слесар па рамонце і абслугоўванні абсталявання, электрагазазваршчык, электразваршчык ручной зваркі.
Вялікі пакет прапаноў для сушукальнікаў падрыхтавалі ў ААТ «Мінскрамбуд». Тут набіраюць спецыялістаў будаўнічага профілю: дарожны рабочы, бляхар, ізаліроўшчык на тэрмаізаляцыі, муляр, страхар па металічных стрэхах, страхар па рулонных стрэхах і па стрэхах з адзінкавых матэрыялаў, маляр, абліцоўшчык-плітачнік, цясляр, сталяр, тынкоўшчык, электразваршчык ручной зваркі.
На Гомельскім ліцейным заводзе «Цэнтраліт» адкрыты вакансіі заліўшчыка метала, майстра ўчастка, абрубшчыка, гутніка металу і сплаваў, слесара па кантрольна-вымяральным прыборам і аўтаматыцы, слесара-рамонтніка, фармоўшчыка машыннай фармоўкі, электраманцёра па рамонце і абслугоўванню электраабсталявання.
Спасылкі
[1] https://www.belta.by/regions/view/predprijatija-gomelja-predlozhat-rabotu-na-elektronnoj-jarmarke-vakansij-22-janvarja-425024-2021/
[2] http://e-vacancy.by
[3] https://zviazda.by/be/tags/kirmash-vakansiy
[4] https://zviazda.by/be/tags/gomel