Аляксандр Лукашэнка павіншаваў члена нацыянальнай каманды па лёгкай атлетыцы Максіма Недасекава з яркім поспехам на чэмпіянаце Еўропы ў Торуні. Пра гэта паведамілі [1] ў прэс-службе кіраўніка дзяржавы.
«Гэта перамога з найлепшым вынікам сезона ў свеце пераканаўча паказала, што беларусам ёсць кім ганарыцца. Ты зноў праявіў у сектары не толькі выдатную форму і байцоўскі характар, але і высокую ступень адказнасці перад камандай і заўзятарамі, сапраўдны патрыятызм і павагу да супернікаў», — гаворыцца ў віншаванні.
Аляксандр Лукашэнка пажадаў спартсмену і яго трэнерам моцнага здароўя і заваявання алімпійскіх вышынь.
Беларускі спартсмен Максім Недасекаў выйграў залаты медаль чэмпіянату Еўропы ў памяшканні, які праходзіць у Польшчы.
Прадстаўнік Віцебскай вобласці ў галоўнай камандзе краіны ў сваёй найлепшай спробе паказаў вынік 2 м 37 см. Гэта асабісты і нацыянальны рэкорд у дадзенай дысцыпліне. Дзякуючы гэтаму дасягненню Максім Недасекаў перамясціўся на першае месца ў сусветным топ-лісце.
Спасылкі
[1] http://president.gov.by
[2] https://zviazda.by/be/tags/maksim-nedasekau
[3] https://zviazda.by/be/tags/aliaksandr-luka%C5%A1enka