У Футбольным манежы Мінска 27 сакавіка пройдзе чацвёрты беларускі народны чэмпіянат па парэнні ў лазні, адменены ў мінулым годзе з-за неспрыяльнага эпідэміялагічнага становішча. Пра гэта БЕЛТА распавялі [1] арганізатары мерапрыемства.
«Чакалася, што ў 2021 годзе пройдзе юбілейны фестываль, аднак пандэмія падкарэктавала планы. Стараемся праводзіць мерапрыемства штогод для далучэння людзей да здаровага ладу жыцця і актыўнага адпачынку, захавання лазневых традыцый і павышэнню ўзроўню майстэрства правядзення лазнева-аздараўленчых працэдур, — распавялі арганізатары. — Каб людзі пераймалі адзін ад аднаго вопыт лунання, мерапрыемства праводзім як для прафесіяналаў, так і аматараў».
Удзельнікі спаборніцтва будуць працаваць па індывідуальнай праграме, каб шырока прадэманстраваць розныя методыкі і тэхнікі лунання. Для назірання за выступамі ў павільёне ўсталююць лазню з празрыстым фасадам.
Прафесійнае журы ацэніць удзельнікаў па такіх крытэрах, як падрыхтоўка парной да працы, навыкі валодання венікам і аксэсуарамі, масажныя тэхнікі і іншае.
Акрамя таго, з 25 па 27 сакавіка будзе працаваць выстава «Драўлянае і каркаснае домабудаванне» і «Лазня. Сауна. СПА». Гасцям мерапрыемства арганізуюць паказальныя парэнні, майстар-класы і практычныя кансультацыі на розныя тэмы. На выставе таксама можна будзе атрымаць каштоўныя парады, абмяняцца вопытам, даведацца аб доглядам за целам, масажы, травалячэнні і іншым.
Спасылкі
[1] https://www.belta.by/regions/view/chetvertyj-narodnyj-chempionat-po-pareniju-v-bane-projdet-v-minske-27-marta-431687-2021/
[2] https://zviazda.by/be/tags/laznya
[3] https://zviazda.by/be/tags/narodny-chempiyanat-pa-lunanni-u-lazni