У Выдавецкім доме «Звязда» па замове і пры фінансавай падтрымцы Міністэрства інфармацыі Рэспублікі Беларусь выйшаў раман вядомага празаіка, публіцыста, грамадскага і палітычнага дзеяча, старшыні Саюза пісьменнікаў Беларусі Мікалая ЧАРГІНЦА «А ён не вярнуўся з бою».
У кнізе, як пазначана ў выдавецкай анатацыі, расказваецца пра трагічныя і гераічныя лёсы савецкіх салдат — зусім яшчэ маладых хлопцаў, якія прайшлі вайну ў Афганістане, выпрабаванні палонам, да якіх былі неадназначныя адносіны на Радзіме пасля вяртання з гэтай вайны. Шлях дадому галоўнага героя рамана Андрэя Бровікава аказаўся вельмі доўгім. Але яго родныя — маці, жонка, дачка ўсе гэтыя гады не губляюць надзеі, чакаюць яго, не жадаючы прымірыцца з фармулёўкай «знік без вестак».
Раман майстра ваенна-прыгодніцкай, дэтэктыўнай прозы, чыя творчасць адзначана многімі ўзнагародамі, безумоўна, адрасаваны шырокаму колу чытачоў. І найперш варта было б прачытаць кнігу «А ён не вярнуўся з бою» маладым людзям, хлопцам і дзяўчатам, для якіх падзеі 1980-х гг. — даволі даўняя гісторыя. Гісторыя, якую нельга забыць.
Сяргей ШЫЧКО
Спасылкі
[1] https://zviazda.by/be/author/syargey-shychko
[2] https://zviazda.by/be/kultura
[3] https://zviazda.by/be/litaratura
[4] https://zviazda.by/be/tags/mikalay-charginec
[5] https://zviazda.by/be/tags/afganistan
[6] https://zviazda.by/be/tags/vydavecki-dom-zvyazda-2
[7] https://zviazda.by/be/tags/ministerstva-infarmacyi-respubliki-belarus