Віцэ-прэм'ер павіншаваў маленькіх пацыентаў са святам і пажадаў хутчэйшага выздараўлення, перадае [3] БелТА.
«Дзеці — самае каштоўнае, што ў нас ёсць. Іх трэба абараняць ад усіх выклікаў, абараняць іх здароўе, абараняць ад нейкіх шкодных уздзеянняў навакольнага асяроддзя. А самае галоўнае — нашы дзеці павінны адчуваць пастаянны клопат», — падкрэсліў Ігар Петрышэнка. Гэты клопат выяўляецца ва ўсіх сферах жыцця, але асабліва ў адукацыі і ахове здароўя.
Усе чатыры лячэбныя аддзяленні 2-й гарадской дзіцячай клінічнай бальніцы ў гэтыя дні працуюць у звычайным рэжыме па сваім профілі, адзначылі ў адміністрацыі клінікі. Напрыклад, у ўралагічным, якое можа прымаць да 60 дзяцей, зараз лячэнне праходзяць 43. Сярод іх нямала малых, якіх асабліва парадавалі падарункі, прынесеныя гасцямі, — канструктары і наборы для малявання. Такія падарункі перададзеныя і ў астатнія гульнявыя пакоі кожнага аддзялення. З пацыентамі старэйшымі Ігар Петрышэнка пагутарыў у «Школе «Цукровага дыябета» аддзялення эндакрыналогіі, дзе рабяты з такім захворваннем вучацца жыць са сваім дыягназам, правільна выбіраць прадукты харчавання.
«Мы пастараліся палепшыць знаходжанне рабят новымі развіваючымі цацкамі і ўвагай і пажаданнямі хутчэйшага выздараўлення. Каб потым яны з добрым настроем вярнуліся ў свае сем’і і з новымі сіламі акунуліся ў выдатную пару канікул», — дадаў віцэ-прэм’ер.
Спасылкі
[1] https://zviazda.by/be/gramadstva
[2] https://zviazda.by/be/zdaroue-0
[3] https://www.belta.by/society/view/petrishenko-deti-bolshe-vseh-nuzhdajutsja-v-zaschite-i-vsegda-dolzhny-chuvstvovat-zabotu-443959-2021/
[4] https://zviazda.by/be/tags/igar-petryshenka
[5] https://zviazda.by/be/tags/2-y-garadskaya-dzicyachaya-klinichnaya-balnica-minska
[6] https://zviazda.by/be/tags/dzen-abarony-dzyacey