Прэзідэнт Беларусі накіраваў [1] віншаванне работнікам аховы здароўя з прафесійным святам — Днём медыцынскага работніка.
«Мы шчыра ганарымся нашымі медыкамі, якія спаўна надзелены самымі важнымі для гэтай прафесіі якасцямі: высокай кампетэнтнасцю і бязмежнай міласэрнасцю», — гаворыцца ў віншаванні.
Кіраўнік дзяржавы адрасаваў словы ўдзячнасці за самаадданую працу ўрачам, медыцынскім сёстрам, фельчарам, малодшаму медперсаналу, спецыялістам лабараторнай дыягностыкі і санітарна-эпідэміялагічнай службы, вучоным, фармацэўтам, правізарам.
«Вы кругласутачна знаходзіцеся на варце здароўя і жыцця суайчыннікаў. Вам давяраюць дзясяткі тысяч замежных пацыентаў, якія выбіраюць для дыягностыкі, лячэння і рэабілітацыі менавіта Беларусь, — падкрэсліў Аляксандр Лукашэнка. — Упэўнены: пераемнасць пакаленняў, захаванне высакародных традыцый айчыннай медыцыны і ваша пастаяннае імкненне да самаўдасканалення дапамогуць далейшаму развіццю аховы здароўя Беларусі».
Прэзідэнт пажадаў работнікам аховы здароўя прафесійных поспехаў, вялікага асабістага шчасця і моцнага здароўя. «Няхай заўсёды побач будуць надзейныя і дарагія вам людзі», — дадаў Кіраўнік дзяржавы.
Прэв’ю — pixabay.com
Спасылкі
[1] https://president.gov.by/be/events/vinshavanne-rabotnikam-ahovy-zdarouya-z-prafesiynym-svyatam
[2] https://zviazda.by/be/tags/aliaksandr-luka%C5%A1enka
[3] https://zviazda.by/be/tags/vinshavanne
[4] https://zviazda.by/be/tags/dzen-medycynskaga-rabotnika