Санкцыі ў дачыненні да Беларусі не застануцца без адказу. Пра гэта заявіў сёння журналістам прэм’ер-міністр Раман Галоўчанка, перадае [1] БелТА.
«Мы папярэджвалі пра тое, што санкцыі без адказу не застануцца. Зараз адпаведная служба вывучае тэкст санкцый у дачыненні да нашых грамадзян і прадпрыемстваў. Выбіраем найбольш адэкватныя меры рэагавання з таго набору, які мы выпрацавалі і пра які даводзілі сігнал нашым партнёрам. Думаю, не за гарамі той час, калі мы гэтыя рашэнні прымем», — сказаў Раман Галоўчанка.
Ён заявіў, што ўвядзенне санкцый дыскрэдытуе палітыку Еўрасаюза ў дачыненні да Беларусі. «Дэклараваць пры гэтым місію “дзеля беларускага народа” па меншай меры цынічна і беспрынцыпова. Толькі паглядзіце, чым абгрунтоўваюцца санкцыі, якія ўводзяцца супраць нашых прадпрыемстваў. Напрыклад, эканамічныя санкцыі супраць ААТ “МАЗ” уводзяцца на падставе таго, што Прэзідэнт краіны назваў яго адным з вядучых машынабудаўнічых прадпрыемстваў, супраць ААТ „БелАЗ“ — так як кіраўнік дзяржавы назваў яго нацыянальным здабыткам і брэндам Беларусі. І таму гэтыя прадпрыемствы заслугоўваюць эканамічнага пакарання?» — абурыўся прэм’ер-міністр.
«Мы жывем далей, працуем. У нас дастаткова рэзерваў і рэсурсаў, мы даўно гатовыя да гэтых умоў», — падкрэсліў Раман Галоўчанка.
Прэв’ю: БелТА
Спасылкі
[1] https://www.belta.by/economics/view/sanktsii-v-otnoshenii-belarusi-ne-ostanutsja-bez-otveta-golovchenko-447124-2021/
[2] https://zviazda.by/be/tags/raman-galouchanka
[3] https://zviazda.by/be/tags/sankcyi
[4] https://zviazda.by/be/tags/palityka