На жаночым чэмпіянаце Еўропы па баскетболе сёння стануць вядомыя ўдзельнікі паўфінальнай стадыі, паведамляе [1] БелТА.
Баскетбалісткі зборнай Беларусі ў чвэрцьфінальным паядынку ў іспанскай Валенсіі сустрэнуцца з камандай Швецыі (пачатак у 19.00, прамая трансляцыя на тэлеканале «Беларусь 5»). Гэтыя сапернікі ўжо сустракаліся на папярэдняй стадыі кантынентальнага першынства: у заключным матчы групы А беларускі разграмілі шведскіх баскетбалістак з розніцай у 24 ачкі — 78:54. Акрамя таго, падапечныя Наталлі Трафімавай на першым этапе выйгралі ў дзеючых чэмпіёнак Еўропы іспанак — 53:51 і саступілі камандзе Славакіі — 54:58. У выпадку перамогі ў сённяшняй сустрэчы беларускі згуляюць у паўфінале з пераможцам сустрэчы Францыя — Боснія і Герцагавіна ў Страсбургу.
Таксама сёння ў Валенсіі баскетбалісткі Іспаніі будуць сапернічаць з камандай Сербіі. У Страсбургу зборная Расіі сустрэнецца з бельгійкамі.
Паўфінальныя паядынкі 38-га жаночага кантынентальнага першынства пройдуць 26 чэрвеня, вырашальны паядынак за чэмпіёнскі тытул і матч за бронзу адбудуцца 27 чэрвеня.
Прэв’ю — pixabay.com
Спасылкі
[1] https://www.belta.by/sport/view/belorusskie-basketbolistki-sygrajut-so-shvedkami-v-14-finala-chempionata-evropy-447191-2021/
[2] https://zviazda.by/be/tags/basketbol
[3] https://zviazda.by/be/tags/zbornaya-belarusi
[4] https://zviazda.by/be/tags/chempiyanat-europy
[5] https://zviazda.by/be/tags/sport