Беларускі тэнісіст Ілья Івашка (87-ы нумар сусветнага рэйтынгу) з перамогі пачаў выступленне на турніры катэгорыі АТР-250 у брытанскім Істбарне з прызавым фондам 547,2 тыс. еўра, паведамляе [1] БелТА.
22 чэрвеня ў першым раўндзе беларус амаль за дзве гадзіны абыграў брытанскага тэнісіста Элістэра Грэя (1133) — 6:2, 7:6 (7:5). Сёння ў 1/8 фіналу сапернікам Ільі Івашкі будзе прадстаўнік Аўстраліі Аляксей Папырын (67). У асноўную сетку беларус прабіўся праз кваліфікацыю, перамогшы двух аўстралійскіх тэнісістаў Джона Сміта (350) — 6:4, 7:6 (7:3) і Макса Персела (283) — 6:7 (6:8), 6:2, 6:1.
Яшчэ адзін беларус Ягор Герасімаў (72) таксама выйшаў у другі круг, перамогшы ў 1/16 фіналу французскага тэнісіста Жо-Вілфрыда Тсанга (83) — 6:3, 6:4. У гульні за выхад у чвэрцьфінал Ягор Герасімаў сустрэнецца з пераможцам матчу паміж двума прадстаўнікамі Казахстана Аляксандрам Бублікам (39) і Міхаілам Кукушкіным (106).
На турніры ў нямецкім Бад-Хомбургу экс-першая ракетка свету беларуска Вікторыя Азаранка (14) выйграла 22 чэрвеня ў маладой беларускай тэнісісткі Юліі Гатоўка (271) — 7:5, 6:0.
Прэв’ю — pixabay.com
Спасылкі
[1] https://blr.belta.by/sport/view/iljja-ivashka-vyjshau-u-18-finalu-turniru-u-istbarne-101227-2021/
[2] https://zviazda.by/be/tags/ilya-ivashka
[3] https://zviazda.by/be/tags/tenis
[4] https://zviazda.by/be/tags/istbarn
[5] https://zviazda.by/be/tags/viktoryya-azaranka