У красавіку гэтага года сярэдняя заработная плата работнікаў была Br1398,2, у сакавіку — Br1384,7. Пры гэтым трэба ўлічваць, што даныя прыводзяцца да выліку падаходнага падатку (13 працэнтаў) і абавязковых страхавых узносаў у Фонд сацабароны (1 працэнт з зарплат работнікаў), піша [1] БелТА са спасылкай на Нацыянальны статыстычны камітэт.
Сярод рэгіёнаў традыцыйна лідзіруе сталіца: сярэдняя зарплата мінчан у маі дасягнула Br2053,4 (тэмп росту рэальнай зарплаты да мая мінулага года — 105,1 працэнта). У Мінскай вобласці сярэдняя зарплата склала Br1423,1 (105,7 працэнта), Гомельскай — Br1246,5 (106,4 працэнта), Гродзенскай — Br1203,6 (106,7 працэнта), Віцебскай — Br1182,3 (103 працэнты), Брэсцкай — Br1176,6 (104,4 працэнта), Магілёўскай — Br1140,5 (104,9 працэнта).
У цэлым па краіне рэальная заработная плата (разлічаная з улікам росту спажывецкіх цэн на тавары і паслугі) у маі гэтага года ў параўнанні з маем 2020-га ўзрасла на 5,3 працэнта.
Больш за ўсё атрымлівалі работнікі такіх сфер, як інфармацыйныя тэхналогіі і дзейнасць у галіне інфармацыйнага абслугоўвання (Br6812,3), дапаможная дзейнасць у сферы фінансавых паслуг і страхавання (Br3871,9), Вытворчасць хімічных прадуктаў (Br2804,9), дзейнасць паветранага транспарту (Br2753,7, у тым ліку грузавога — Br2782,6), вытворчасць камп’ютараў і перыферыйнага абсталявання (Br2652,5), горназдабыўная прамысловасць (Br2382,2), вытворчасць коксу і прадуктаў нафтаперапрацоўкі (Br2275,2).
Менш за ўсё налічана работнікам цырульняў і салонаў прыгажосці (Br679,6), бібліятэк, архіваў, музеяў і іншых устаноў у галіне культуры (Br762,1), работнікам сферы творчай дзейнасці і забаў (Br764,9), тым, хто займаецца доглядам у спецыялізаваных установах і прадастаўленнем сацыяльных паслуг (Br784).
Прэв’ю: pixabay.com
Спасылкі
[1] https://www.belta.by/society/view/srednjaja-zarplata-v-belarusi-v-mae-sostavila-br14196-447521-2021/
[2] https://zviazda.by/be/tags/syarednyaya-zarplata
[3] https://zviazda.by/be/tags/statystyka
[4] https://zviazda.by/be/tags/nacyyanalny-statystychny-kamitet