У суботу, 11 верасня, Нясвіж зноў стане месцам прыцягнення — тут на галоўнай плошчы палацавага ансамбля Радзівілаў пройдзе «Гранд кірмаш».
Што гэта такое? Рэканструкцыя кірмашу XVIII-XIX стагоддзяў, на які з’едуцца рамеснікі з усіх куткоў Беларусі.
Як расказалі арганізатары, гасцей чакае выступ артыстаў, музыкаў і айчынных клубаў рэканструктараў. На сцэну выйдуць гурты «Хмяльны Вір», «Арацэя», танцавальны калектыў «L’empire», пройдуць паказальныя баі клуба «Шатландская пяхота» і шмат чаго іншага.
Акрамя таго, госці змогуць паўдзельнічаць у майстар-класах і інтэрактыўных гульнях, прагуляцца па рамесных радах, набыць памятны сувенір і пакаштаваць смачных страў.
Трэба сказаць, што традыцыя правядзення кірмашоў у Нясвіжы зарадзілася ў канцы XVI стагоддзя. Доўжыліся яны ад аднаго дня да некалькіх тыдняў і былі для нашых продкаў сапраўдным святам.
11 верасня ва ўсіх наведвальнікаў кірмашу ў радзівілаўскім палацы ўнікальная з’явіцца магчымасць пагрузіцца ў эпоху і адчуць сапраўдную моц і прыгажосць старадаўніх кірмашоў.
Вольга АЛЯКСАНДРАВА
Спасылкі
[1] https://zviazda.by/be/author/volga-alyaksandrava
[2] https://zviazda.by/be/kultura
[3] https://zviazda.by/be/tags/grand-kirmash
[4] https://zviazda.by/be/tags/palac-radzivilau-1
[5] https://zviazda.by/be/tags/nesvizh-1
[6] https://zviazda.by/be/tags/rekanstrukcyya
[7] https://zviazda.by/be/tags/ramesniki
[8] https://zviazda.by/be/tags/artysty
[9] https://zviazda.by/be/tags/muzyki