Партыя «Адзіная Расія» па выніках апрацоўкі 100% выніковых пратаколаў набрала 49,82% галасоў выбаршчыкаў па партыйнаму спісу ў Дзярждуму, вынікае з дадзеных, апублікаваных на сайце ЦВК РФ, перадае [1] ТАСС.
Паводле папярэдніх разлікаў, адзінаросы атрымліваюць прыкладна 112 дэпутацкіх мандатаў па спісе. Акрамя таго, яны перамагаюць па 198 аднамандатных акругах. Такім чынам, у суме «Адзіная Расія» атрымлівае канстытуцыйную большасць у ніжняй палаце (больш за 300 мандатаў).
Згодна з вынікамі галасавання, далей ідуць КПРФ — 18,93%, ЛДПР — 7,55%, «Справядлівая Расія — Патрыёты — За праўду» — 7,46% і «Новыя людзі» — 5,32%. Усе гэтыя пяць партый пераадолелі пяціпрацэнтны бар’ер для праходу ў Дзярждуму.
Кандыдаты КПРФ, па папярэдняй інфармацыі, перамагаюць у дзевяці акругах, на трэцім месцы знаходзяцца кандыдаты «Справядлівай Расіі — За праўду», якія лідыруюць у васьмі акругах. У пяці акругах лідзіруюць самавылучэнцы, у двух — кандыдаты ад ЛДПР, яшчэ ў трох — па аднаму кандыдату ад «Радзімы», Партыі росту і «Грамадзянскай платформы».
Прэв’ю: pixabay.com
Спасылкі
[1] https://tass.ru/politika/12462237
[2] https://zviazda.by/be/tags/vybary
[3] https://zviazda.by/be/tags/rasiya
[4] https://zviazda.by/be/tags/dzyarzhduma