У сценах музея-сядзібы ў суботу, 25 верасня, пройдзе свята да дня нараджэння Міхаіла Клеафаса Агінскага пад назвай «Вяртанне «Паўночных Афін». Мерапрыемства пачнецца ў 15.00.
Згодна заяўленай праграме, госці мерапрыемства змогуць паслухаць розныя літаратурна-музычныя кампазіцыі. Канцэрт дасць струнны ансамбль «Амелія» з Маладзечна. Арганізатары паведамляюць, што колькасць уваходных квіткоў абмежавана, а адзін будзе каштаваць 10 рублёў.
Правядзенне баляў з навучаннем адмысловаму цырыманіялу, танцам XIX стагоддзя, «мове веера», салонным гульням рэканструктарскіх баляў XIX стагоддзя — гэта далёка не ўсе ўрачыстасці, якія праводзяцца ў сценах музея-сядзібы Агінскага. Сачыце за афішамі — будзе цікава.
Аліса СКІБА
Спасылкі
[1] https://zviazda.by/be/tags/merapryemstva
[2] https://zviazda.by/be/tags/vyartanne-paunochnyh-afin
[3] https://zviazda.by/be/tags/mihail-kleafas-aginski
[4] https://zviazda.by/be/tags/kancert