На гэтым тыдні «сенатарскі дэсант» высадзіўся на Брэстчыне: менавіта тут у сераду, 22 верасня, правялі адзіны дзень прыёму члены Прэзідыума Савета Рэспублікі і сенатары, абраныя ад гэтага рэгіёна. Спікер верхняй палаты парламента Наталля КАЧАНАВА пагутарыла [4] з людзьмі ў Ляхавічах: асабіста да яе са сваімі праблемамі за 8 гадзін паспелі звярнуцца 50 чалавек (было б і больш, але магчымасці любога прыёму адмежаваныя), якія прыехалі з розных куткоў краіны.
Тут да яго звярнуліся са сваімі праблемамі і турботамі каля дзвюх дзясяткаў чалавек.
Каго на асабісты прыём прывяла жыллёвая праблема, каго — жаданне ўнесці прапанову ў заканадаўчыя акты. Сярод актуальных тэм для заяўнікаў — аднаўленне дзейнасці лазні, работа сельмагаў, цэны на хлеб і лекі, арганізацыя прыёму дзікаросаў ад людзей, газіфікацыя, асвятленне вёсак па вечарах, зямельныя спрэчкі, працаўладкаванне…
Так, жыхар вёскі Хойнікі Бярозаўскага раёна прыехаў у Івацэвічы з прапановамі па ўдасканаленні пенсійнага заканадаўства, ён таксама пацікавіўся, калі будзе гатовы праект новай Канстытуцыі.
Жыхар вёскі Рудня Івацэвіцкага раёна прасіў пасадзейнічаць у вылучэнні крэдыту для яго дачкі. Пенсіянерка з Івацэвічаў прынесла хадайніцтва аб прызнанні яе вязнем канцлагера з выдачай адпаведнага пасведчання.
Інвалід I групы Ірына Падліпская з аграгарадка Быцень прасіла дапамагчы з атрыманнем сацыяльнага жылля. Зараз жанчына жыве з 92-гадовай маці ў доме з пячным ацяпленнем, па доме дапамагае сацыяльны работнік, але дзвюм жанчынам (адна старая, а другая нямоглая) усё роўна цяжка. Заяўніца расказала, што на чарзе на паляпшэнне жыллёвых умоў стаіць з 2011 года, зараз зарэгістравана ў інтэрнаце, але там не жыве, бо безбар’ернага асяроддзя там не створана, а інваліду-калясачніку гэта жыццёва неабходна.
Як патлумачыў старшыня Івацэвіцкага райвыканкама Аляксандр Грыцук, які прысутнічаў на прыёме, сітуацыя для ўлады вядомая:
— На жаль, чарга на жыллё сацыяльнага карыстання вялікая. Прапануем Ірыне Уладзіміраўне пераехаць у пакой на першым паверсе інтэрната, абсталюем пляцоўку для захоўвання калыскі. Ёсць таксама месцы ў доме-інтэрнаце, дзе створаны ўсе ўмовы для пражывання інвалідаў.
Разгледзеўшы ўсе звароты і пагутарыўшы з усімі заяўнікамі, Анатоль Ісачанка даў шэраг даручэнняў мясцовай вертыкалі ўлады. А падсумоўваючы вынікі прыёму, у гутарцы з журналістамі ён адзначыў, што рашэнне канкрэтных жыццёвых праблем грамадзян — ключавое ў дзейнасці сенатараў.
— Кожны прыём або прамая тэлефонная лінія — гэта магчымасць выявіць сістэмныя праблемы і аказаць дапамогу тым нашым суайчыннікам, каму яна сапраўды неабходная, — падкрэсліў ён.
Акрамя таго, віцэ-спікер Савета Рэспублікі звярнуў увагу на асаблівасць прыёму ў Івацэвічах: сярод заяўнікаў было шмат, якія раней ужо звярталіся ў розныя дзяржаўныя органы, аднак не змаглі там вырашыць свае праблемы.
— Кожны зварот, які паступіў, мы бярэм на кантроль і накіроўваем адпаведныя даручэнні ў профільныя інстанцыі. Важна, што грамадзяне ўсё больш давяраюць Савету Рэспублікі ў вырашэнні сваіх жыццёвых праблем, — падсумаваў Анатоль Ісачанка.
На прыём да сенатара прыйшлі не толькі жыхары раёна, прыехалі таксама грамадзяне з Брэста, Іванаўскага раёна. Першымі наведвальнікамі сталі прадстаўнікі садовага таварыства «Бярозавы гай», якое знаходзіцца пад Брэстам. У іх узнікла праблема з электразабеспячэннем. Традыцыйна святлом таварыства забяспечвала Брэсцкае аддзяленне чыгункі, энергія паступала праз устройствы тэхналагічнага электразабеспячэння, якія знаходзяцца ў гаспадарчым распараджэнні Брэсцкай дыстанцыі пуці. Такое становішча з 1990 года, ад аднаго КТП токам сілкаваліся некалькі таварыстваў, і ўсё было добра. У 2018 годзе змянілася заканадаўства, усіх спажыўцоў энергіі абавязалі перайсці ў электрасеткі, а таксама зарэгістраваць асобныя лічыльнікі на кожнае таварыства. Для гэтага патрэбны праекты і, адпаведна, вялікія сродкі. Многія члены таварыстваў — пенсіянеры. Галоўны бухгалтар таварыства сказала, што хутка правесці такую кампанію нерэальна. Калі ў сціслыя тэрміны запатрабуюць прывесці ўсё ў адпаведнасць з заканадаўствам, людзі рызыкуюць застацца без святла.
Прадстаўнік чыгункі, які прысутнічаў на прыёме, бачыць выйсце ў паэтапным падключэнні таварыстваў да гарадскіх сетак, рашэнне ў любым выпадку можа быць прынята ў рамках закона.
Спецыяліст электрасетак патлумачыў, што арганізацыя гатовая будаваць новую трансфарматарную падстанцыю. У плане гэтая работа значыцца на 2023–2028 гады. Цяпер вырашаецца, за чый кошт будзе ісці будаўніцтва. У выніку 25 садовых таварыстваў будуць падключаць да сетак па названай схеме.
— Прымаем запэўніванні электрасетак, што работа будзе праведзена паступова, а людзі не пацерпяць, — адзначае Таццяна Руец і дадае: — На гэтым прыкладзе бачым, што ў 2018 годзе быў прыняты сыры дакумент. Дык вось цяпер у нас, у Савеце Рэспублікі, ёсць экспертны савет, усе будучыя ўказы мы вывяраем разам з практыкамі. Запрашаем людзей з месцаў, раімся з імі, слухаем іх пункт гледжання. Надалей буду ведаць, каго запрашаць на экспертны савет па садовых таварыствах. Агучаная вамі праблема можа ўзнікнуць і ў другіх рэгіёнах, — заўважае сенатар.
З вёскі Братылава на прыём прыехала Ірына Завадская. Ад імя жыхароў вёскі Ірына Пятроўна прасіла ўладкаваць тратуар па вуліцы Цэнтральнай, а таксама карэнным чынам палепшыць транспартныя зносіны з Брэстам. Заяўніцы адразу далі адказ. Намеснік старшыні райвыканкама Леанід Шлыкаў расказаў, што зараз вырашаецца пытанне з маршрутным таксі, якое ходзіць паміж Брэстам і Чэрнямі. Перавозчык апошнім часам не выконвае свае абавязацельствы, магчыма, у хуткім часе прыйдзе новы перавозчык на гэты маршрут. А прадстаўнік дарожнага ведамства расказаў, калі канкрэтна будзе праведзена добраўпарадкаванне ў гэтай прыгараднай вёсцы.
Жыхарка вёскі Тэльмы прыйшла з застарэлай праблемай вуліцы Маладзёжнай. Трыццаць гадоў людзі церпяць ад паводак, неабходна ліўневая каналізацыя. Для яе ўзвядзення патрэбны вялікія сродкі. У раёне праблему ведаюць, але ў раённым бюджэце сродкаў на гэта няма. Вырашэнне праблемы магчыма, калі грошы выдзеляць з вобласці ў парадку інвестпраграмы. Пытанне ўзята на кантроль сенатарам.
З Брэста на прыём прыехала Таццяна К. Яна з сям’ёй жыве на здымнай кватэры, у іх у 2015 годзе згарэў дом. На той момант у арганізацыі, дзе працуе заяўніца, месцаў у інтэрнаце не было. Таму сям’я пайшла на кватэру. Таццяна прасіла спрыяння ў атрыманні арэнднага жылля. Прадстаўнік Брэсцкага гарвыканкама прапанаваў будаваць жыллё без дзяржпадтрымкі. Ёсць варыянт будаўніцтва кватэры ў доме з коштам 1560 рублёў за квадратны метр з унутранай аддзелкай. Заяўніца зацікавілася гэтай прапановай. Далей пытанне будзе вырашацца ў Брэсцкім гарвыканкаме.
Яшчэ некалькі зваротаў датычылаіся функцыянавання садовых таварыстваў, што не дзіўна. У Брэсцкім раёне такіх таварыстваў каля 250, праблем узнікае нямала. Нярэдка ў людзей бываюць нараканні на работу сваіх старшынь альбо бухгалтараў. Але найбольш праблем узнікае ў стасунках з рознымі арганізацыямі. Пасля прыёму Таццяна Рунец сказала ў размове з журналістамі, што ўзнятыя пытанні па рабоце садовых таварыстваў яна ўзяла на адмысловую заметку, а таксама падкрэсліла, што па выніках прыёму заяўнікі атрымаюць адказы. Некаторыя пытанні патрабуюць дадатковага вывучэння.
У гэты ж дзень сенатар правяла рабочую сустрэчу са старшынямі сельскіх Саветаў Брэсцкага раёна. Сустрэча адбылася ў Брэсцкім абласным краязнаўчым музеі. Яе ўдзельнікі азнаёміліся з экспазіцыяй музея, з тэматычнай выстаўкай, прысвечанай Дню народнага адзінства, а потым абмяняліся думкамі па шэрагу актуальных пытанняў.
— Фармат правядзення адзінага дню прыёма сенатарамі дазваляе пабачыць не толькі праблемы асобнага населенага пункта, але і рэгіёна ў цэлым. Пачуць людзей на месцах і выпрацаваць эфектыўныя механізмы вырашэння пытанняў — адзін з асноўных падыходаў у нашай рабоце, — падкрэслівае старшыня профільнай камісіі.
Ён правёў гэты дзень невыпадкова ў гэтым раёне, бо з’яўляецца ўраджэнцам Кобрыншчыны, таму ён з лёгкасцю знайшоў агульную мову з землякамі. На прыём да яго запісаліся пяць чалавек. Зрэшты, у гутарцы не адмаўлялі і тым, хто прыйшоў без запісу. У кола тэм для абмеркавання патрапілі вытворчасць медыцынскіх масак, узаемаадносіны паміж прыватным бізнесам і ўладай, стварэнне безбар’ернага асяроддзя — і гэта далёка не поўны спіс актуальных праблем, пра якія гаварылі ў гэты дзень.
— Безумоўна, адзіны прыёму грамадзян дазваляе ўбачыць у цэлым рэгіён і яго праблемы, — адзначыў Віктар Лісковіч. — Вельмі важна, што пасля прыёму грамадзян мы праводзім выязны Прэзідыум на базе аднаго з раёнаў і падводзім вынікі работы са зваротамі грамадзян у вобласці.
Жыхары раёна звярнуліся да сенатара па пытаннях, што датычацца падаткаабкладання, удасканалення заканадаўства, землекарыстання, прадастаўлення арэнднага жылля і іншых актуальных для іх тэмах. Па ўсіх зваротах парламентарый даў тлумачэнні падчас прыёму.
У другой палове дня старшыня профільнай камісіі сустрэўся з калектывам Ганцавіцкага хлебазавода, расказаў работнікам аб структуры Нацыянальнага сходу Рэспублікі Беларусь, яго функцыях, праінфармаваў аб палітычнай сітуацыі ў краіне, якая склалася, завастрыў увагу на важнасці вакцынацыі ад COVID-19, распавёў аб падрыхтоўцы да правядзення канстытуцыйна-прававой рэформы.
На прыём да старшыні Пастаяннай камісіі Савета Рэспублікі па міжнародных справах і нацыянальнай бяспецы Сяргея РАЧКОВА, які праводзіўся ў Лунінецкім райвыканкаме, прыйшлі сем чалавек, якія паднялі дванаццаць пытанняў.
Дарэчы, падчас паездкі ў Брэсцкую вобласць сенатар наведаў таксама ААТ «Лунінецкі малочны завод», спартыўны комплекс з басейнам «Дэльфін», а таксама лядовую арэну «Алімп-2011», дзе правёў сустрэчы з працоўнымі калектывамі. Таксама Сяргей Рачкоў азнаёміўся з рэканструкцыяй корпуса пад інфекцыйнае аддзяленне Лунінецкай цэнтральнай раённай бальніцы.
Да члена Пастаяннай камісіі Савета Рэспублікі па міжнародных справах і нацыянальнай бяспецы, галоўнага ўрача Брэсцкай абласной клінічнай бальніцы на прамую лінію паступілі два званкі, якія датычацца сферы аховы здароўя: вакцынацыя ад грыпу жыхара Брэста і шпіталізацыя ў інфекцыйнае аддзяленне з каранавіруснай інфекцыяй жыхаркі Камянецкага раёна. Узнятыя заяўнікамі праблемы вырашаны падчас правядзення прамой лініі.
На асабісты прыём звярнулася шэсць чалавек. Агучаныя імі пытанні датычыліся будаўніцтва дарогі па вуліцы Пралясковай у Брэсце, работы праўлення аднаго з жыллёвых кааператываў, прадастаўлення месца дзіцяці ў групе падоўжанага дня ў адной са школ, працаўладкавання, вызвалення ад працы па сумяшчальніцтве педагога, аплаты электраэнергіі і прыпынення яе падачы. Усе пытанні ўзятыя на кантроль.
Да сенатара звярнуліся пяць жыхароў раёна. Звароты, якія паступілі, датычыліся жыллёвых пытанняў, вяртання грошай за аўтамабіль пастаўлены адной з фірм, запазычанасці па заработнай плаце, абслугоўвання інваліда на хаце.
Парламентарый даручыў адпаведным службам разабрацца з агучанымі заяўнікамі праблемамі і праінфармаваць іх, а па шэрагу пытанняў даў неабходныя тлумачэнні.
Як паведамілі ў прэс-службе верхняй палаты парламента, 22 верасня падчас адзінага дня прыёму грамадзян, праведзенага ў Брэсцкай вобласці членамі Савета Рэспублікі і старшынямі гар-і райвыканкамаў былі прынятыя 197 чалавек.
Усяго за студзень-жнівень члены Савета Рэспублікі разгледзелі 4673 звароты. У прыватнасці, з Брэсцкай вобласці за восем месяцаў паступіла 184 звароты, што на 34 % больш у параўнанні з такім жа перыядам 2020-га. Часцей за ўсё звяртаюцца да сенатараў жыхары Брэста і Баранавічаў, Пінска, Івацэвіцкага і Кобрынскага раёнаў.
Вольга АНУФРЫЕВА
Святлана ЯСКЕВІЧ
Спасылкі
[1] https://zviazda.by/be/author/volga-anufryeva
[2] https://zviazda.by/be/tags/svyatlana-yaskevich
[3] https://zviazda.by/be/gramadstva
[4] https://zviazda.by/be/news/20210922/1632315041-starshynya-saveta-respubliki-pravyala-pryyom-gramadzyan-u-lyahavichah
[5] https://zviazda.by/be/tags/bresckaya-voblasc
[6] https://zviazda.by/be/tags/taccyana-runec
[7] https://zviazda.by/be/tags/anatol-isachanka
[8] https://zviazda.by/be/tags/viktar-liskovich