У судзе Кобрынскага раёна вынеслі прысуд па крымінальнай справе аб махлярстве, хуліганстве і крадзяжы, паведамілі [1] ў прэс-службе Брэсцкага абласнога суда.
Абвінавачаным па крымінальнай справе праходзіў раней не судзімы 19-гадовы мясцовы жыхар, якому інкрымінаваліся тры артыкулы Крымінальнага кодэкса. Так, з сакавіка па ліпень малады чалавек набыў у растэрміноўку ў пацярпелых пяць аўтамабіляў, загадзя не маючы намер выконваць абавязацельствы па выплаце іх кошту. Фігурант прадаў і абмяняў аўтамабілі па заніжанай цане, не разлічыўшыся з іх былымі ўладальнікамі.
Акрамя гэтага, у ліпені зарэгістравана тры крымінальных эпізоду з яго ўдзелам. Так, на прыпынку грамадскага транспарту ў райцэнтры ён выкраў у спячага грамадзяніна мабільны тэлефон і іншую маёмасць. Потым на вуліцы і на тэрыторыі АЗС беспадстаўна збіў двух мужчын. Усё гэта ён здзейсніў у стане алкагольнага ап’янення.
Суд прызнаў фігуранта вінаватым па ч.1 і ч.2 арт.209 (авалоданне маёмасцю шляхам падману (махлярства), паўторна), ч.2 арт.205 (таемнае выкраданне маёмасці (крадзеж), здзейсненае паўторна) і ч.2 арт. 339 (наўмысныя дзеянні, якія груба парушаюць грамадскі парадак і якія суправаджаюцца прымяненнем гвалту, учыненыя паўторна (злоснае хуліганства) КК. Яму прызначана пакаранне ў выглядзе 5 гадоў пазбаўлення волі з адбываннем у папраўчай калоніі ва ўмовах агульнага рэжыму.
Змякчальнымі адказнасць абвінавачанага абставінамі суд прызнаў частковае пакрыццё шкоды і прызнанне віны ў зробленым. У лік кампенсацыі маёмаснага і маральнага ўрону на карысць трох пацярпелых з яго спагнана Br1,2 тыс., Br381 і Br200 адпаведна.
Прысуд не ўступіў у законную сілу і можа быць абскарджаны і апратэставаны ва ўстаноўленым парадку.
Прэв’ю: pexels.com
Спасылкі
[1] http://www.court.gov.by/ru/brestskij/oblastnoj/sud/press_sluzhba/soobscheniya/press_sluzhbi/dae9c1768abd4e8a.html
[2] https://zviazda.by/be/tags/huliganstva
[3] https://zviazda.by/be/tags/kradzyazhy
[4] https://zviazda.by/be/tags/brescki-ablasny-sud