Старшыня Вышэйшага дзяржаўнага савета Саюзнай дзяржавы, Прэзідэнт Беларусі Аляксандр Лукашэнка 4 лістапада прыме ўдзел у пасяджэнні ВДС, якое пройдзе ў фармаце відэаканферэнцыі, паведамілі [4] ў прэс-службе беларускага лідара.
У мерапрыемстве таксама прымуць удзел Прэзідэнт Расійскай Федэрацыі Уладзімір Пуцін, прэм’ер-міністры і кіраўнікі палат парламентаў абедзвюх краін, дзяржаўны сакратар Саюзнай дзяржавы, запрошаныя.
На пасяджэнні будзе абмеркавана шырокае кола пытанняў беларуска-расійскага супрацоўніцтва, якія адлюстраваны ў 6 пунктах парадку дня.
Гэта, у прыватнасці, праект Асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2021-2023 гады. Гэтае пытанне значыцца першым пунктам у парадку дня. У развіццё вызначаных у праекце напрамкаў распрацаваны пакет саюзных праграм, якія стануць практычнай асновай для паглыблення інтэграцыі.
Праект дэкрэта, які зацвярджае асноўныя напрамкі і саюзныя праграмы, ужо накіраваны старшыні ВДС Саюзнай дзяржавы, Прэзідэнту Беларусі Аляксандру Лукашэнку.
Акрамя таго, на парадку дня пасяджэння: гандлёва-эканамічнае супрацоўніцтва Рэспублікі Беларусь і Расійскай Федэрацыі, Ваенная дактрына Саюзнай дзяржавы, канцэпцыя міграцыйнай палітыкі Саюзнай дзяржавы, пытанне прысуджэння прэміі СД у галіне навукі і тэхнікі, рэалізацыя і маніторынг рашэнняў ВДС.
Спасылкі
[1] https://zviazda.by/be/palityka
[2] https://zviazda.by/be/prezident
[3] https://zviazda.by/be/taxonomy/term/77444
[4] https://president.gov.by/ru/events/uchastie-v-zasedanii-vysshego-gosudarstvennogo-soveta-soyuznogo-gosudarstva
[5] https://zviazda.by/be/tags/aliaksandr-luka%C5%A1enka
[6] https://zviazda.by/be/tags/sayuznaya-dzyarzhava
[7] https://zviazda.by/be/tags/uladzimir-pucin