У Мінску пры пажары жылога дома загінула жанчына, на месцы здарэння працавалі следчыя, паведамляе [1] Следчы камітэт.

Увечары 27 лістапада ў экстранныя службы паступіла паведамленне аб узгаранні жылога дома, размешчанага на вул. Яснай. Падчас тушэння пажару ратавальнікі знайшлі цела жанчыны, яе асоба ўстанаўліваецца.

Следчыя ва ўзаемадзеянні з супрацоўнікамі МНС і НКСЭ правялі агляд месца здарэння, апытаныя відавочцы, прызначаны шэраг даследаванняў для высвятлення абставінаў здарэння і прычын узгарання.

Паводле звестак ратавальнікаў, у выніку пажару пашкоджаны дах, кроквенная сістэма, перакрыцце жылога дома і маёмасць на плошчы 84 кв. м.

Партызанскім (Мінска) раённым аддзелам Следчага камітэта праводзіцца праверка.

Прэв’ю: СК