У Мінску п’янага вадзіцеля затрымаў сведка ДТЗ, паведамляе [1] УДАІ ГУУС Мінгарвыканкама.
На тэлефонную лінію 102 патэлефанаваў мужчына і распавёў, што па праспекце Пушкіна ў напрамку вуліцы Ціміразева рухаецца аўтамабіль «Рэно», кіроўца якога паводзіць сябе неадэкватна, магчыма, знаходзіцца ў стане ап’янення. Неабыякавы мужчына паехаў за гэтым аўтамабілем, паведамляючы аб тым, куды ён рухаецца. На скрыжаванні вуліц Ціміразева і Нарачанскай 36-гадовы кіроўца «Рэно» наехаў на аўтамабіль «Пежо», пасля чаго быў затрыманы відавочцам да прыезду супрацоўнікаў ДАІ.
Медыцынскі агляд пацвердзіў, што мужчына знаходзіўся ў стане алкагольнага ап’янення (2,65 праміле). У дачыненні да кіроўцы складзены адміністрацыйныя матэрыялы.
Дзяржаўтаінспекцыя звяртае ўвагу: калі вы бачыце, што транспартным сродкам кіруе вадзіцель з прыкметамі ап’янення, неадкладна паведаміце аб гэтым па тэлефоне 102.
Прэв’ю: pexels.com
Спасылкі
[1] https://t.me/s/gaiminsk
[2] https://zviazda.by/be/tags/dtz
[3] https://zviazda.by/be/tags/pyany-vadzicel
[4] https://zviazda.by/be/tags/udai-guus-mingarvykankama