Святочныя мерапрыемствы пройдуць на 19 пляцоўках у Мінску ў навагоднюю ноч, паведамляе [1] Telegram-канал «Мінск. Афіцыйна».
Падрыхтоўку да Новага года абмеркавалі на нарадзе ў Мінгарвыканкаме. Так, начальнік упраўлення культуры Мінгарвыканкама Віталь Брэль расказаў, што старт навагоднім мерапрыемствам у сталіцы будзе дадзены 25 снежня з канцэртнай праграмы на пляцоўцы каля Палаца спорту, а таксама прадстаўлення і інтэрактыўнай праграмы ў Верхнім горадзе. У навагоднюю ноч святочныя мерапрыемствы адбудуцца ў 19 месцах ва ўсіх раёнах Мінска. Цэнтральнай пляцоўкай стане кірмаш у раёне Палаца спорту. Тут пройдзе канцэртная праграма з удзелам папулярных артыстаў беларускай эстрады, а 1 студзеня вечарам адбудзецца маладзёжная праграма з удзелам дыджэяў і маладых выканаўцаў.
У Telegram-канале таксама нагадалі, што з 14 снежня стартуе традыцыйная акцыя «Нашы дзеці». У час яе пройдуць навагоднія балы і дабрачынныя прадстаўленні ў Беларускім дзяржаўным цырку і Палацы Незалежнасці.
Прэв’ю: pexels.com
Спасылкі
[1] https://t.me/s/minskiygorispolkom
[2] https://zviazda.by/be/tags/mingarvykankam
[3] https://zviazda.by/be/tags/nashy-dzeci
[4] https://zviazda.by/be/tags/svyatochnyya-merapryemstvy