Разнастайнасць карысных прадуктаў для сардэчна-сасудзістай сістэмы ў гутарцы [1] з РИА Новости раскрыла дыетолаг-нутрыцыёлаг Лера Лаўскі.
«Сардэчна-сасудзістыя захворванні лідзіруюць у тройцы галоўных прычын смяротнасці ў свеце. Таму вельмі важна займацца падтрыманнем здароўя сасудаў, кантролем артэрыяльнага ціску і сачыць за ўзроўнем халестэрыну. Для ўмацавання сценак сасудаў дапаможа вітамін С, які больш за ўсё змяшчаецца ў шыпшынніку, квашанай капусце, чорнай парэчцы і ківі», — параіла Лаўскі.
«Таксама здароўе сасудаў падтрымліваюць Амега-3 тлустыя кіслоты, — працягнула эксперт. — Ужывайце не радзей за тры разы на тыдзень чырвоную рыбу дзікага адлову, а таксама насенне лёну і кедравыя арэхі. Калаген у касцяных булёнах з’яўляецца структурным элементам сценак сасудаў. Часта слабасць сасудзістай сістэмы звязаная з яго недахопам. Магній у арэхах і насенні падтрымлівае нармальны ўзровень артэрыяльнага ціску, бо здольны змяншаць стрэсавую нагрузку».
«Для зніжэння высокага ўзроўню халестэрыну, які ўплывае непасрэдна на здароўе сардэчна-сасудзістай сістэмы, ужывайце штодзённа сырую цыбулю і часнок. А таксама вітаміны групы В, якія ўтрымліваюцца ў бабовых, субпрадуктах і хлебе грубага памолу», — заключыла спецыяліст.
Прэв’ю: pixabay.com
Спасылкі
[1] https://rsport.ria.ru/20220119/infarkt-1768454627.html
[2] https://zviazda.by/be/tags/zdaroue
[3] https://zviazda.by/be/tags/serca
[4] https://zviazda.by/be/tags/harchavanne