У Мінску затрыманы два нарказакладчыкі, якія працавалі на інтэрнет-магазін, паведамілі [1] ў ГУУС Мінгарвыканкама.
Супрацоўнікі АНіПТЛ Фрунзенскага РУУС Мінска пры сілавой падтрымцы сталічнага АМАП затрымалі двух работнікаў інтэрнет-магазіна па продажы наркотыкаў.
Пры мужчынах (46 і 36 гадоў) было знойдзена не менш як 55 г асабліва небяспечнага псіхаактыўнага рэчыва мефедрона. У іх кватэры знойдзены электронныя шалі, палімерныя пакеты, скруткі ізаленты, а таксама некалькі расфасаваных доз альфа-PVP.
У зробленых мужчынамі тайніках супрацоўнікі наркакантролю пры дапамозе кінолага ГУУС са службовым сабакам знайшлі скруткі з альфа-PVP. Міліцыя папярэдзіла дастаўку тавару пакупнікам.
Абодва мінчукі ўжывалі наркотыкі і раней былі судзімыя, у тым ліку за аналагічныя злачынствы. 46-гадовы фігурант правёў у месцах пазбаўлення волі больш за 20 гадоў.
Распачата крымінальная справа.
Спасылкі
[1] https://minsk.mvd.gov.by/ru
[2] https://zviazda.by/be/tags/narkotyki
[3] https://zviazda.by/be/tags/minsk
[4] https://zviazda.by/be/tags/kryminal