Улады ААЭ забаранілі аматарам запускаць дрон на фоне нядаўніх удараў беспілотнікаў, паведамляюць [1] РИА Новости са спасылкай на заяву МУС.
Раней некалькі беспілотнікаў адначасова ўразілі некалькі мэтаў у сталіцы Абу-Дабі, у тым ліку зону будаўніцтва новага аэрапорта і цыстэрны з гаручым паблізу складоў Нацыянальнай нафтавай кампаніі, у выніку чаго загінулі тры чалавекі і шэсць атрымалі раненні. Адказнасць узяў еменскі мяцежны рух «Ансар Алах» (хусіты).
«МУС спыняе лётныя аперацыі для ўладальнікаў дронаў, а таксама палёты лёгкіх спартыўных самалётаў», — гаворыцца ў распараджэнні, апублікаваным на сайце ведамства. МУС дадае, што ўказ, узгоднены з Упраўленнем грамадзянскай авіяцыі ААЭ, закліканы «забяспечыць бяспеку жыццяў і ўласнасці».
У заяве адзначаецца, што выключэннем з’яўляюцца арганізацыі, якія займаюцца здымкамі фільмаў або рэкламы з выкарыстаннем дронаў, але цяпер ім неабходна будзе атрымліваць дазвол ад уладаў на сваю працу.
Прэв’ю: pexels.com
Спасылкі
[1] https://ria.ru/
[2] https://zviazda.by/be/tags/aae
[3] https://zviazda.by/be/tags/dron
[4] https://zviazda.by/be/tags/zabarona