У Нацыянальным цэнтры сучасных мастацтваў адкрыты прыём заявак на ўдзел у выставачным праекце «Джаз! Каты! Вясна!», паведамілі [1] ва ўстанове культуры.
Вясновы маштабны праект штогод рэалізуюць у НЦСМ. Тэматыка экспазіцыі прысвечана катам. Арганізатары тлумачаць свой выбар тым, што з вытокаў чалавечай гісторыі гэтыя пухнатыя стварэнні цесна звязаны з людзьмі. «Яны ж натхнялі мастакоў ва ўсе часы як прафесіяналаў, так і аматараў. А рытмы джаза, якія традыцыйна суправаджаюць выставу, прагоняць зімовую меланхолію», — расказалі яны.
«Прыняць удзел у выстаўцы можа любы аўтар мастацкага твора, дзе будзе адлюстраваны кот або котка. Прымаюцца работы, выкананыя ў любой тэхніцы і матэрыяле (акрамя фатаграфіі). Фота для разгляду арганізатарамі выставы трэба адпраўляць на электронны адрас artmoderncenter@gmail.com», — расказалі ў цэнтры.
У заяўцы неабходна ўказаць імя і прозвішча аўтара, узрост, назву працы, год стварэння, матэрыял і памеры працы. Не забудзьцеся дадаць кантактны тэлефон для сувязі. Фатаграфія твора не павінна перавышаць памер 1 Мб.
Адправіць заяўку неабходна да 18 лютага. Адкрыццё запланавана на 3 сакавіка на адрас вул. Някрасава, 3.
Прэв’ю: pixabay.com
Спасылкі
[1] http://ncsm.by/calendar/open-call-dzhaz-koty-vesna
[2] https://zviazda.by/be/tags/ncsm
[3] https://zviazda.by/be/tags/dzhaz-katy-vyasna
[4] https://zviazda.by/be/tags/vystavachny-praekt