Расія і Украіна дамовіліся аб магчымым спыненні агню ў раёне гуманітарных калідораў
Расія і Украіна дамовіліся аб магчымым спыненні агню ў раёне гуманітарных калідораў. Пра гэта заявіў у Брэсцкай вобласці ў Беларусі 3 сакавіка журналістам саветнік кіраўніка Офіса прэзідэнта Украіны Міхаіл Падаляк, паведамляе [3] БелТА.
«Не ўсюды, а толькі ў тых месцах, дзе будуць знаходзіцца, уласна, самі гуманітарныя калідоры, магчыма будзе спыненне агню на час правядзення эвакуацыі. З гэтай мэтай у самы бліжэйшы час будуць арганізаваны спецыяльныя каналы сувязі і ўзаемадзеяння і будуць сфармаваныя адпаведныя лагістычныя працэдуры», — сказаў Міхаіл Падаляк.
Старшыня Камітэта Дзяржаўнай думы Расіі па міжнародных справах Леанід Слуцкі па завяршэнні ў Брэсцкай вобласці расійска-ўкраінскіх перамоваў заявіў [4], што Расіі і Украіне яшчэ трэба будзе вызначыць механіку арганізацыі гуманітарных калідораў.
«Завяршыўся другі вельмі важны раўнд расійска-ўкраінскіх перамоваў. Атрымалася дасягнуць разумення па архіважным пытанні гуманітарных калідораў. Вядома, яшчэ трэба будзе вызначыць механіку, і ў першую чаргу ваенным ведамствам. Але, тым не менш, нам зараз ёсць што адказаць дзясяткам людзей, чые дзеці, сваякі, бацькі знаходзяцца ў небяспечных на сёння зонах на тэрыторыі Украіны. Думаю, што ў бліжэйшы час ім будзе прадастаўлена магчымасць бяспечна гэтыя зоны пакінуць. Няма нічога важней. Паколькі гэта чалавечыя жыцці», — сказаў парламентарый.
Старшыня камітэта Дзяржаўнай думы таксама канстатаваў, [5] што дамоўленасці паміж Расіяй і Украінай будуць замацаваны на вышэйшым узроўні.
«Вядома, для рэалізацыі дамоўленасцяў (я не буду сёння іх агучваць) трэба будзе трэці не менш важны раўнд перамоваў. У самыя бліжэйшыя дні спатрэбяцца парламенцкія намаганні. Некаторыя дамоўленасці трэба будзе замацоўваць і затым праводзіць працэдуры нацыянальнай ратыфікацыі. Але гэта пытанне, можа быць, не такім хуткім. Тым не менш, цягнуць з рэалізацыяй тых дамоўленасцей, якія дасягнуты і будуць замацаваны на вышэйшым узроўні ў самыя бліжэйшыя дні або, можа быць, нават гадзіны, якія будуць дасягнуты ў ходзе наступнага раўнда перамоваў, ні ў якім разе не варта. Адказнасць надзвычай высокая. Працягваем працаваць», — сказаў Леанід Слуцкі.
Саветнік кіраўніка Офіса прэзідэнта Украіны Міхаіл Падаляк заявіў [6] журналістам, што Расія і Украіна працягнуць перамовы ў трэцім раўндзе.
«Толькі што завяршыўся другі раўнд перамоваў паміж расійскай і ўкраінскай бокам. На вялікі жаль, мы не атрымалі тых вынікаў, на якія разлічвалі. Адзінае, што я магу сказаць: абмеркавалі досыць падрабязна гуманітарны аспект, таму што дастаткова шмат гарадоў цяпер знаходзіцца ў асяроддзі, там драматычная сітуацыя з прадуктамі харчавання, медыкаментамі, эвакуацыяй», — адзначыў Міхаіл Падаляк.
Паводле яго слоў, бакі дамовіліся «працягнуць працу ў трэцім раўндзе ў максімальна бліжэйшыя тэрміны».
Нагадаем, 28 лютага ў Гомельскай вобласці на Прыпяці – недалёка ад украінскай мяжы – адбыўся першы раўнд расійска-ўкраінскіх мірных перамоваў.
Спасылкі
[1] https://zviazda.by/be/palityka
[2] https://zviazda.by/be/gramadstva
[3] https://www.belta.by/politics/view/rossija-i-ukraina-dogovorilis-o-vozmozhnom-prekraschenii-ognja-v-rajone-gumanitarnyh-koridorov-488455-2022/
[4] https://www.belta.by/politics/view/slutskij-rossii-i-ukraine-esche-predstoit-opredelit-mehaniku-organizatsii-gumanitarnyh-koridorov-488459-2022/
[5] https://www.belta.by/politics/view/slutskij-dogovorennosti-mezhdu-rossiej-i-ukrainoj-budut-zakrepleny-na-vysshem-urovne-488457-2022/
[6] https://www.belta.by/politics/view/rossija-i-ukraina-prodolzhat-peregovory-v-tretjem-raunde-488452-2022/
[7] https://zviazda.by/be/tags/rasiya
[8] https://zviazda.by/be/tags/ukraina
[9] https://zviazda.by/be/tags/peragavory
[10] https://zviazda.by/be/tags/damoulenasci
[11] https://zviazda.by/be/tags/gumanitarnyya-kalidory