У мінскім Прадстаўніцтве Пастаяннага камітэта Саюзнай дзяржавы прайшла рабочая сустрэча старшыні Саюза пісьменнікаў Беларусі, дырэктара — галоўнага рэдактара Выдавецкага дома «Звязда» Алеся Карлюкевіча з Дзяржаўным сакратаром Саюзнай дзяржавы Беларусі і Расіі Дзмітрыем Мезенцавым. Удзел у размове прыняла і кіраўнік Прадстаўніцтва Марыяна Шчоткіна.
Дзмітрый Фёдаравіч выказаў цікаўнасць да спраў Саюза пісьменнікаў Беларусі, падкрэсліў вартасці беларуска-расійскіх інтэграцыйных інціыятыў творчай арганізацыі. Размова ішла пра магчымыя супольныя праекты пісьменніцкай грамадскасці Беларусі і Расіі. Згадваўся традыцыйны конкурс маладых пісьменнікаў, які Пастаянны камітэт Саюзнай дзяржавы працягвае і сёлета пад патранажам Нацыянальнага прэс-цэнтра Рэспублікі Беларусь.
Абмяркоўваліся і пытанні болей шырокага ўдзелу літаратараў у мастацкім узнаўленні падзей Вялікай Айчыннай вайны. Плёнам такіх актыўнасцяў стануць кніжныя выданні мастацкіх і публіцыстычных твораў, падтрымку ў здзяйсненні якіх акажа і Пастаянны камітэт Саюзнай дзяржавы.
Сяргей ШЫЧКО
Прэв’ю: БелТА
Спасылкі
[1] https://zviazda.by/be/tags/dzmitryy-mezencau
[2] https://zviazda.by/be/tags/ales-karlyukevich
[3] https://zviazda.by/be/tags/maryyana-shchotkina-1
[4] https://zviazda.by/be/tags/pastayanny-kamitet-sayuznay-dzyarzhavy
[5] https://zviazda.by/be/tags/sayuz-pismennikau-belarusi
[6] https://zviazda.by/be/tags/vyalikaya-aychynnaya-vayna