Прыйшоў час планаваць свой летні адпачынак. У такія прыемныя планы варта ўключыць і культурна-спартыўны фестываль «Вытокі», які пройдзе ў кожнай вобласці. Свята хоць і агульнае, але ў кожным горадзе будзем адметным. Таму, каб зрабіць сваё лета сапраўды яркім, трэба завітаць у кожны горад. Расказваем, чаму «Вытокі» гэтага сапраўды вартыя.

Цікавыя гарады з багатай гісторыяй

Выбіраючы горад для правядзення фестывалю, арганізатары абапіраюцца на два крытэрыі: гэта павінен быць раённы цэнтр, які мае цікавую гісторыю і культурную спадчыну. «Вытокі» дапамагаюць па-новаму паглядзець на беларускія гарады і ацаніць іх турыстычны патэнцыял. Мінулагоднія цэнтры свята Ліда, Кобрын, Орша, Мазыр добра вядомыя са старонак школьных падручнікаў па гісторыі. Прынамсі, сёлетнія Навагрудак, Полацк, Горкі ім ні ў чым не саступаюць.

Спалучыць прыемнае з карысным

Век жыві — век вучыся. На «Вытоках» можна адпачыць і таксама павучыцца. Першы дзень фестывалю прысвечаны адукацыйнай і пазнавальнай частцы. Госці змогуць папоўніць свае веды пра гісторыю горада, паспрабаваць свае сілы ў набойцы маляваных дыванаў і больш даведацца пра гэта рамяство. А аматары спорту папоўняць свае веды па алімпійскай адукацыі.

Сустрэцца з кумірамі

Вядомыя беларускія спартсмены, чэмпіёны і прызёры Алімпійскіх гульняў, чэмпіёны свету таксама ўдзельнічаюць у фестывалі «Вытокі», калі той праходзіць на іх малой радзіме. У мінулым годзе кожны жадаючы мог зрабіць сэлфі ці ўзяць аўтограф у Марыны Літвінчук, Аляксандра Багдановіча, Аляксандра Глеба, Ірыны Курачкінай, Максіма Недасекава і іншых знакамітых атлетаў.

У рытме адпачынку

Які фестываль без музыкі? У першы дзень «Вытокаў» усіх чакае канцэрт арганнай музыкі ў выкананні Валерыя Шмата. На наступны дзень сваімі талентамі будуць радаваць маладыя вакалісты, якія ўдзельнічаюць у адпаведным конкурсе. А заканчваецца кожны фестываль гала-канцэртам з удзелам артыстаў беларускай эстрадай і дыскатэкай.

Праверыць свае сілы

«Вытокі» — свята для ўсёй сям’і. Спецыяльна для маладога пакалення ладзіцца алімпійскі квэст. На 25-30 пляцоўках прадстаўлены розныя віды спорту. Майстар-класы, міні-трэніроўкі, цікавыя конкурсы — а пасля праходжання яшчэ і каштоўныя падарункі. Удзельнікі алімпійскага квэсту могуць пазнаёміцца не толькі з вядомымі алімпійскімі відамі спорту, але і з незвычайнымі, напрыклад, з пажарна-выратавальным спортам. А яшчэ падчас «Вытокаў» бацькі могуць пазнаёміцца са спартыўнымі секцыямі свайго горада і адразу ж запісаць туды сваё дзіця.

У 2022 годзе першай фестываль «Вытокі» прыме Рэчыца. Свята на Гомельшчыне адбудзецца 20-21 мая. Пасля святочную эстафету прыме Столін (3-4 чэрвеня). Затым падключыцца Навагрудак (17-18 чэрвеня), Полацк (12-13 жніўня) і Капыль (26-27 жніўня). Грандыёзны фінал пройдзе ў Мінску.

Валерыя СЦЯЦКО

Фота НАК Беларусі