Кінастудыя «Беларусьфільм» у жніўні прыме ўдзел у міжнароднай канферэнцыі па сумеснай кінавытворчасці Расіі і краін СНД. Мерапрыемства пройдзе ў Санкт-Пецярбургу на кінастудыі «Лендок» і будзе прымеркавана да яе 90-годдзя, паведамляецца [1]на сайце кінастудыі.
Таксама ў ліку ўдзельнікаў канферэнцыі – прадстаўнікі студый «Азербайджанфільм», «Арменфільм», «Грузія-фільм», «Казахфільм», «Кыргызфільм», «Туркменфільм», кінаканцэрна «Узбекфільм», «Таджыкфільм», прадстаўнікі Міністэрства культуры Расіі, Камітэта па культуры Санкт-Пецярбурга, расійскіх платформаў, рэжысёры, прадзюсары, кінакрытыкі, а таксама кінематаграфісты краін СНД і Грузіі.
У рамках канферэнцыі 22-23 жніўня ўпершыню адбудзецца пітчынг праектаў для сумеснай вытворчасці краін СНД. Удзел у пітчынгу бясплатны. Адбор заявак адбываецца з 16 мая па 20 ліпеня 2022 года.
«Надышоў момант, калі нам неабходна трымацца разам і кансалідаваць нашы творчыя сілы з кінематаграфістамі краін блізкага замежжа. Мы бачым у пітчынгу вялікі патэнцыял, той самы творчы імпульс, які дазволіць нам ствараць шчырае кіно высокага ўзроўню выканання і духоўнасці. Мы рады, што гэта падзея адбудзецца на кінастудыі “Лендок”, і Санкт-Пецярбург стане цэнтрам прыцягнення для кінематаграфістаў з розных рэгіёнаў Расіі і суседніх краін», — адзначыў [2]Аляксей Цяльноў, генеральны дырэктар кінастудыі «Лендок», прадзюсер, рэжысёр.
Па выніках пітчынгу будуць падпісаны пагадненні аб намерах для сумеснага вытворчасці праектаў – пераможцаў.
Ксенія ДАБРАБЫТ
Прэв’ю: pixabay.com
Спасылкі
[1] https://belarusfilm.by/news/belarusfilm-primet-uchastie-v-mezhdunarodnoy-konferentsii-po-sov/
[2] https://moviestart.ru/2022/05/17/pitching-stran-sng-vpervye-projdyot-v-sankt-peterburge/?fbclid=IwAR0jYa7BC3b_amjwDEY_hPnyUlPab7M2ZfHsm8_N-PT0zWbvfcAtLJZE-Xw
[3] https://zviazda.by/be/tags/kinastudyya-belarusfilm-0
[4] https://zviazda.by/be/tags/mizhnarodnaya-kanferencyya-pa-sumesnay-kinavytvorchasci-rasii-i-krain-snd
[5] https://zviazda.by/be/tags/sankt-pecyarburg