У Гродзенскай абласной навуковай бібліятэцы імя Я. Карскага прайшла сустрэча з кіраўніцтвам Саюза пісьменнікаў Беларусі.
Дырэктар асветніцкай установы Марына Ігнатовіч адзначыла, што ў бібліятэкі ўсталяваліся надзвычай прыязныя адносіны з Гродзенскім абласным аддзяленнем СП Беларусі, якое ўзначальвае паэт, празаік, публіцыст Людміла Кебіч. Гарадзенскія літаратары — частыя госці ў абласной бібліятэцы.
Першы намеснік старшыні СПБ Алена Стэльмах, якая адказвае ў творчай арганізацыі і за працу секцыі дзіцячай літаратуры, зазначыла, што Гродна мае багатыя традыцыі ў развіцці прыгожага пісьменства. І варта было б наладзіць адмысловы фестываль дзіцячай літаратуры. Марына Ігнатовіч расказала пра конкурс стварэння цацак па матывах казак пісьменнікаў Беларусі і ўсяго свету. У час сустрэчы гаспадары і госці выказалі ідэю стварэння ў абласной бібліятэцы Музея казкі.
Старшыня СП Беларусі Алесь Карлюкевіч падкрэсліў багатыя традыцыі краязнаўства ў рэгіёне, звярнуў увагу на тое, што ў Год гістарычнай памяці варта было б прааналізаваць працу ў гэтым накірунку, зрабіць усё магчымае для болей шырэйшай увагі пісьменнікаў, журналістаў краю да тэмы Вялікай Айчыннай вайны.
Сяргей ШЫЧКО
Прэв’ю: БелТА
Спасылкі
[1] https://zviazda.by/be/tags/grodzenskaya-ablasnaya-bibliyateka-imya-ya-karskaga-0
[2] https://zviazda.by/be/tags/maryna-ignatovich
[3] https://zviazda.by/be/tags/lyudmila-kebich
[4] https://zviazda.by/be/tags/kazka
[5] https://zviazda.by/be/tags/dzicyachaya-litaratura
[6] https://zviazda.by/be/tags/ales-karlyukevich
[7] https://zviazda.by/be/tags/alena-stelmah
[8] https://zviazda.by/be/tags/grodna