У нашай краіне праводзіцца маштабная работа па прыцягненні дзяцей і падлеткаў да вывучэння правіл дарожнага руху і фарміраванні бяспечных паводзін. Нават творчыя заняткі можна выкарыстаць для таго, каб даць дзецям карысную інфармацыю. Гэта выдатна прадэманстраваў Нацыянальны цэнтр мастацкай творчасці дзяцей і моладзі. Першага чэрвеня ва ўстанове прайшла ўрачыстыя цырымонія ўзнагароджання пераможцаў і прызёраў Рэспубліканскага творчага конкурсу «Прытрымліваемся законаў дарог», арганізатарамі якога з’яўляюцца Міністэрства ўнутраных спраў Рэспублікі Беларусь і Міністэрства адукацыі.
Да творчых спаборніцтваў далучыліся навучэнцы аб’яднанняў па інтарэсах цэнтраў дадатковай адукацыі дзяцей і моладзі і іншых дзіцячых адукацыйных устаноў з усіх рэгіёнаў краіны. Падчас абласных адборачных тураў 250 конкурсных работ ў намінацыях «Малюнак», «Выраб» і «Сачыненне» былі прадстаўлены на заключны этап. Сярод іх рэспубліканскае журы вызначыла працы 9 пераможцаў і 18 прызёраў. Пераможцы атрымалі каштоўныя прызы.
Лепшыя работы творчага конкурсу «Прытрымліваемся законаў дарог» размешчаны на выстаўцы, якая будзе працаваць ў Нацыянальным цэнтры мастацкай творчасці да сярэдзіны чэрвеня.
Таксама Нацыянальны цэнтр мастацкай творчасці першы дзень летніх канікул сустракае вялікім дзіцячым святам, у сталіцу сёння з’язджаюцца юныя таленты з розных куткоў Беларусі. Для сталічных выхаванцаў і гасцей у цэнтры падрыхтаваны інтэрактыўныя пляцоўкі, канцэрты і цікавыя сустрэчы.
Алена ДЗЯДЗЮЛЯ
Фота Яўгена ПЯСЕЦКАГА
Спасылкі
[1] https://zviazda.by/be/author/alena-dzyadzyulya
[2] https://zviazda.by/be/tags/yaugen-pyasecki
[3] https://zviazda.by/be/gramadstva
[4] https://zviazda.by/be/silavyya-struktury
[5] https://zviazda.by/be/tags/prytrymlivaemsya-zakonau-darog
[6] https://zviazda.by/be/tags/tvorchy-konkurs
[7] https://zviazda.by/be/tags/mus