Па стане на канец мінулага года колькасць карыстальнікаў сістэм анлайн-плацяжоў у Кітаі дасягнула 904 мільёна, што амаль на 50 млн. больш у параўнанні з 2020-м. Аб гэтым паведамляецца ў апублікаванай справаздачы Кітайскай плацежна-клірынгавай асацыяцыі, перадае [3] «Жэньмінь жыбаа» анлайн».

Гэта 87,6 працэнта ад агульнай колькасці карыстальнікаў інтэрнэту ў краіне. Тэндэнцыя да правядзення плацяжоў безнаяўным спосабам (без выкарыстання банкаўскіх карт) у Кітаі працягвае пашырацца, ахопліваючы ўсё большую колькасць сэрвісаў — ад замовы ежы да аплаты праезду ў грамадскім транспарце. Летась банкі Кітая апрацавалі 102,28 млрд. такіх транзакцый на агульную суму 2353,96 трыльёна юаняў (каля 350 трлн. долараў), што ў 5,3 раза больш у параўнанні з 2012-м.