Журналісты павінны кіравацца праўдай і мець актыўную грамадзянскую пазіцыю, заявіў журналістам першы намеснік старшыні праўлення ЗАТ «Другі нацыянальны тэлеканал» Дзмітрый Бачкоў на II Форуме медыйнай супольнасці Беларусі «Рэгіянальныя медыя ў лічбавай прасторы: вопыт, праблемы, перспектывы», перадае [1] БелТА.
«Многія лічаць, што калі ідзе інфармацыйная вайна і супраць нас працуюць фэйкамі, значыць, мы павінны сапраўды гэтак жа фэйкамі адказваць. Гэта кардынальная памылка. Прэзідэнт падчас семінара-нарады паўтарыў сваю фразу, што мы з вамі павінны працаваць праўдай, гэта наша з вамі сіла. Праўда заўсёды сябе знойдзе. Мы павінны заўсёды прытрымлівацца гэтага. Гэта стратэгічна. А тактычна мы павінны быць хутчэй, павінны ўмець праводзіць аператыўна фактчэкінг і ўпарта, мэтанакіравана гнуць сваю лінію зноў і зноў, кропля за кропляй, і такім чынам мы зможам абараніць праўду», — сказаў Дзмітрый Бачкоў.
«Мы павінны кіравацца праўдай, быць прафесійнымі і мець актыўную грамадзянскую пазіцыю», — дадаў Дзмітрый Бачкоў.
Другі год запар форум збірае лепшых прадстаўнікоў інфармацыйнай супольнасці краіны, выступае пляцоўкай для абмену думкамі і выпрацоўкі новых ідэй, прадастаўляе магчымасць кансалідацыі намаганняў экспертаў розных галін ведаў у пытаннях далейшага развіцця рэгіянальных СМІ з улікам цыфравізацыі грамадства, запытаў аўдыторыі, паспяховага прасоўвання дзяржаўнага інфармацыйнага прадукту ва ўсіх асяроддзях. Да ўдзелу ў мерапрыемстве запрошаны кіраўнікі дзяржаўных рэспубліканскіх і рэгіянальных СМІ, эксперты ў сферы камунікацый, прадстаўнікі ідэалагічнай вертыкалі краіны, блогасферы. Арганізатар — Міністэрства інфармацыі пры падтрымцы Віцебскага абласнога выканаўчага камітэта.
Спасылкі
[1] https://www.belta.by/society/view/bochkov-zhurnalisty-dolzhny-rukovodstvovatsja-pravdoj-i-imet-aktivnuju-grazhdanskuju-pozitsiju-509658-2022/
[2] https://zviazda.by/be/tags/zhurnalisty
[3] https://zviazda.by/be/tags/prauda
[4] https://zviazda.by/be/tags/aktyunaya-gramadzyanskaya-pazicyya-0
[5] https://zviazda.by/be/tags/dzmitryy-bachkou
[6] https://zviazda.by/be/tags/ii-forum-medyynay-supolnasci-belarusi