Апоўдні непрацуючы 33-гадовы мінчанін праходзіў міма царквы недалёка ад станцыі метро «Спартыўная» і заўважыў непрышпілены электрасамакат. Нядоўга думаючы, ён забраў чужы транспарт, каб пасля перапрадаць з рук.

Як паведамляе ГУУС Мінгарвыканкама, мужчына не стаў разбірацца з тонкасцямі кіравання новай тэхнікай і павёў самакат у руках. За электратранспарт коштам каля 1600 рублёў зламыснік выручыў усяго 50, якія затым патраціў на спіртное.

Аператыўнікі крымінальнага вышуку Фрунзенскага РУУС Мінска ўстанавілі, што напярэдадні мінчанін выкраў яшчэ два непрышпіленыя веласіпеды — іх ён таксама прадаў выпадковым знаёмым за бясцэнак.

У адносінах да мужчыны распачаты крымінальныя справы.

Сяргей РАСОЛЬКА

Прэв’ю: pixabay.com