Працягваюцца мерапрыемствы, прымеркаваныя да юбілею Янкі Купалы і Якуба Коласа. Традыцыйна, калі сонца ідзе на зімку, а лета на спёку, Літаратурны музей імя Янкі Купалы збірае ў сябе на ганку людзей на святкаванне Купалля па старым стылі. Тут госці могуць судакрануцца з тым чароўным светам, якім так захапляўся пісьменнік.
Пакуль дарослыя плятуць вянкі, малеча вучыцца вырабляць з паперы любімую кветку класіка — ружу. Менавіта белыя ружы заўсёды на Дзень народзінаў пісьменніка яго прыхільнікі нясуць яму да помніка.
Напачатку свята супрацоўнікі музея праверылі, наколькі добра госці знаёмыя з творчасцю класіка, і якія сакрэты з яго біяграфіі могуць ведаць. Напрыклад, якой маркі быў аўтамабіль пісьменніка? З якім любімым аксэсуарам ён выбіраўся ў свет? І які з вершаў Купалы перакладзены на сто моў?
Ладзіць Купальскую ноч у Купалавым доме дапамагаў фальклорны гурт «Этнасуполка» Беларускага дзяржаўнага ўніверсітэта культуры і мастацтваў. Ля музея людзі вадзілі карагоды, вучыліся спяваць старадаўнія песні, танцаваць «Кракавяк», Картузэ«, «Ойру», адкрывалі сакрэты народнага свята.
Алена ДЗЯДЗЮЛЯ
Фота Лізаветы ГОЛАД
Спасылкі
[1] https://zviazda.by/be/author/alena-dzyadzyulya
[2] https://zviazda.by/be/author/lizaveta-golad
[3] https://zviazda.by/be/kultura
[4] https://zviazda.by/be/litaratura
[5] https://zviazda.by/be/tags/140-gadou-kupalu-i-kolasu
[6] https://zviazda.by/be/tags/kupalle
[7] https://zviazda.by/be/tags/litaraturny-muzey-imya-yanki-kupaly