Пастаянны прадстаўнік Рэспублікі Беларусь пры аддзяленні ААН у Жэневе Ларыса Бельская ў час 50-й сесіі Савета па правах чалавека прыняла ўдзел у дыскусіі са спецыяльным дакладчыкам па сучасных формах расізму, паведамляе [1] БелТА са спасылкай на рэс-службу Міністэрства замежных спраў.
Беларускі дыпламат прыцягнула ўвагу да маштабнай дыскрымінацыі ў краінах ЕС рускамоўных грамадзян, уключаючы беларусаў, у розных сферах жыццядзейнасці — у перамяшчэнні, адукацыі, культуры, спорце, ахове здароўя, фінансах. Яна адзначыла, што заахвочванне русафобіі і санкцыйная апантанасць заходніх палітыкаў садзейнічаюць распальванню міжцывілізацыйнага канфлікту ў Еўропе.
Ларыса Бельская звярнула ўвагу спецдакладчыка на тое, што ў шэрагу заходніх і іншых краін названыя працэсу развіваюцца пры небяспечнай падтрымцы на дзяржаўным узроўні дзейнасці ваенізаваных груп, якія прапаведуюць міжнацыянальную і расавую нянавісць, ідэалогію неанацызму.
«Беларусь заклікала спецдакладчыка аб’ектыўна і непрадузята ацэньваць гэтыя працэсы і самым рашучым чынам рэагаваць на факты дыскрымінацыі беларусаў і рускіх, дабівацца аднаўлення іх правоў», — падкрэслілі ў МЗС.
Беларуская дэлегацыя запрасіла савет азнаёміцца з чарговым дакладам МЗС па найбольш рэзанансных выпадках парушэнняў правоў чалавека ў асобных краінах свету, які быў апублікаваны напярэдадні.
Прэв’ю: БелТА
Спасылкі
[1] https://blr.belta.by/politics/view/belskaja-strukturam-aan-treba-rashucha-reagavats-na-dyskryminatsyju-ruskamounyh-gramadzjan-u-es-117181-2022/
[2] https://zviazda.by/be/tags/belskaya
[3] https://zviazda.by/be/tags/aan
[4] https://zviazda.by/be/tags/dyskryminacyya
[5] https://zviazda.by/be/tags/es