Доля паставак у Расію ў экспарце Белкаапсаюза па выніках пяці месяцаў бягучага года склала 76 працэнтаў. Аб гэтым на прэс-канферэнцыі «Аб рабоце сістэмы спажывецкай кааперацыі ў Рэспубліцы Беларусь» расказаў старшыня праўлення Беларускага рэспубліканскага саюза спажывецкіх таварыстваў Алег Мацкевіч, перадае [1] БелТА.
«У цяперашніх эканамічных умовах мы праводзім пераарыентацыю таварных рынкаў у Расію і Кітай. Доля экспартных паставак у Расію па выніках пяці месяцаў бягучага года склала 76 працэнтаў. У студзені-маі мы павялічылі аб’ём паставак у Цвярскую вобласць у 3 разы, у Ленінградскую — у 4, Ліпецкую — у 11, а ў Белгарад — у 8 разоў», — расказаў Алег Мацкевіч.
«У Кітай за студзень-май мы паставілі футра норкі на $1,2 млн, але на працягу года плануем нарасціць гэту лічбу. Таксама развіваем новы напрамак і пачынаем рэалізацыю пладова-ягаднага віна. Да таго ж разам з Мінсельгасхарчам вядзём работу па акрэдытацыі ў Кітаі арганізацый Белкаапсаюза, зацікаўленых у экспартных пастаўках замарожаных дзікарослых чарніц і журавін», — заявіў кіраўнік Белкаапсаюза.
Прэв’ю: БелТА
Спасылкі
[1] https://www.belta.by/economics/view/v-eksporte-belkoopsojuza-dolja-postavok-v-rossiju-za-janvar-maj-sostavila-76-512431-2022/
[2] https://zviazda.by/be/tags/belkaapsayuz
[3] https://zviazda.by/be/tags/aleg-mackevich
[4] https://zviazda.by/be/tags/ekspart