На Гомельшчыне рытм святочнага фестывалю працаўнікоў вёскі «Дажынкі — 2022» падхапіў Добруш. Горад на Іпуці — нядаўні хэдлайнер XXIX Дня беларускага пісьменства ў Беларусі — цяпер прымярае на сябе ролю галоўнай святочнай прасторы ўшанавання лідараў жніва Гомельскай вобласці.
Напярэдадні на адной з галоўных святочных пляцовак — сцэне Добрушскага раённага палацу культуры — прайшлі апошнія рэпетыцыі канцэрта, на якім пройдзе ўшанаванне герояў жніва. У атрыбуты свята «апрануты» і цэнтральная плошча і праспект Міра.
На вуліцы князя Паскевіча з самай раніцы госці і жыхары горада змаглі ацаніць выставу сельскагаспадарчай тэхнікі і рарытэтных сельгасмашын. Добрушскі праспект Міра стаў галоўнай пляцоўкай для выставы-кірмашу дэкаратыўна-прыкладнога мастацтва. У Добруш на «Дажынкі» таксама прыехалі майстры і аматары народных промыслаў з самых розных куткоў краіны.
На свяце прадстаўлены адмысловыя сельскагаспадарчыя падворкі ад кожнага раёна вобласці. Гульнявыя пляцоўкі і інтэрактыўныя зоны для сямейнага адпачынку падрыхтавалі прадпрыемствы холдынгу «Гомельская мяса-малочная кампанія». Галоўная іх ідэя — малака зашмат не бывае. Таму для святочнай праграмы падрыхтаваны конкурсы «Сырныя гонкі», «Малочная рыбалка», «Піраты малочнага мора» і многія іншыя.
Наталля КАПРЫЛЕНКА
Фота аўтара
Спасылкі
[1] https://zviazda.by/be/author/natallya-kaprylenka
[2] https://zviazda.by/be/gramadstva
[3] https://zviazda.by/be/regiyony-0
[4] https://zviazda.by/be/tags/dazhynki-2
[5] https://zviazda.by/be/tags/dobrush
[6] https://zviazda.by/be/tags/gomel
[7] https://zviazda.by/be/tags/svyata
[8] https://zviazda.by/be/tags/vyoska
[9] https://zviazda.by/be/tags/belarus
[10] https://zviazda.by/be/tags/dzen-belaruskaga-pismenstva