Акцыя «Сімвал адзінства» прайшоў у Любанскім, Салігорскім і Слуцкім раёнах, паведамілі [1] БелТА ў прэс-службе Мінскага аблвыканкама.
Любанскі раён прыняў у Старадарожскага эстафету рэспубліканскай акцыі «Сімвал адзінства». Удзельнікі правялі ўрачысты мітынг ля мемарыяльнага комплексу на вуліцы Савецкай у Любані і ўсталявалі шыльду з QR-кодам. Цяпер кожны наведвальнік зможа прасканаваць яе і даведацца пра гісторыю памятнага месца Вялікай Айчыннай вайны. Наступнай кропкай маршруту ўдзельнікаў акцыі «Сімвал адзінства» стаў Салігорскі раён.
Удзельнікаў сустракалі дзясяткі машын з прадстаўнікамі практычна ўсіх прадпрыемстваў Салігорскага рэгіёна, а таксама навучэнцы каледжаў і школ. Яны наведалі мемарыяльны комплекс «Журботная маці», дзе прайшоў урачысты мітынг і была ўсталяваная шыльда з QR-кодам.
Пасля Салігорскага раёна ўдзельнікі акцыі пераехалі ў Слуцкі раён. Традыцыйна суседнія раёны абмяняліся дзяржаўнымі сцягамі і пасланнямі для маладога пакалення ад ветэранаў Вялікай Айчыннай вайны і вядомых людзей свайго рэгіёна. Акрамя таго, кожны рэгіён разам з эстафетай перадае сімвалічную шасцярню, якая ў далейшым стане часткай адзінага гадзіннага механізму.
Рэспубліканская акцыя «Сімвал адзінства» прымеркавана да года гістарычнай памяці і наглядна дэманструе сапраўдны дух патрыятызму.
Прэв’ю: БелТА
Спасылкі
[1] https://www.belta.by/regions/view/aktsija-simvol-edinstva-proshla-v-ljubanskom-soligorskom-i-slutskom-rajonah-537108-2022/
[2] https://zviazda.by/be/tags/akcyya
[3] https://zviazda.by/be/tags/simval-adzinstva
[4] https://zviazda.by/be/tags/patryyatyzm
[5] https://zviazda.by/be/tags/god-gistarychnay-pamyaci