У зоне адказнасці ўсёй медыцынскай вертыкалі кіравання — арганізацыя аказання якаснай і даступнай медыцынскай дапамогі насельніцтву. Пра гэта сказаў прэм’ер-міністр Раман Галоўчанка на калегіі Міністэрства аховы здароўя, паведамляе [2] БелТА са спасылкай на прэс-службу ўрада.
«У зоне адказнасці ўсёй медыцынскай вертыкалі кіравання — арганізацыя аказання якаснай і даступнай медыцынскай дапамогі насельніцтву. У нашай досыць кампактнай краіне ўсё павінна быць выбудавана аптымальна, разумна і зручна незалежна ад месца пражывання канкрэтнага чалавека», — адзначыў прэм’ер-міністр.
Паводле слоў Рамана Галоўчанкі, будоўлі і аснашчэнне высокатэхналагічным абсталяваннем павінны быць цесна ўвязаны з неабходнымі аб’ёмамі медыцынскай дапамогі ў кожным канкрэтным рэгіёне, у тым ліку з улікам дэмаграфічнай сітуацыі. «Усё гэта павінна быць арыентавана на дасягненне канчатковага выніку, а менавіта на паляпшэнне здароўя і павелічэнне працягласці жыцця насельніцтва», — падкрэсліў кіраўнік урада.
Як адзначыў Раман Галоўчанка, сёння як ніколі важна правільна расставіць прыярытэты, размеркаваць наяўныя рэсурсы, забяспечыць стабільную працу сферы аховы здароўя, якая заўсёды была і будзе пад пільнай увагай. Адсюль і такая колькасць адзнак, меркаванняў і патрабаванняў максімальна высокага выніку.
«Упэўнены, што ўсё гэта вам па сілах. З боку ўрада гатовы аказваць усю неабходную падтрымку, накіраваную на далейшае павышэнне эфектыўнасці функцыянавання сістэмы аховы здароўя, якасці аказання медыцынскай дапамогі насельніцтву. Ад імя ўрада хачу выказаць падзяку работнікам аховы здароўя — тым, хто з гонарам і годнасцю выконваў і выконвае свой прафесійны абавязак», — рэзюмаваў прэм’ер-міністр.
Фота: БелТА
Спасылкі
[1] https://zviazda.by/be/gramadstva
[2] https://www.belta.by/society/view/golovchenko-v-zone-otvetstvennosti-vsej-meditsinskoj-vertikali-kachestvennaja-i-dostupnaja-medpomosch-555527-2023/
[3] https://zviazda.by/be/tags/raman-galouchanka
[4] https://zviazda.by/be/tags/ministerstva-ahovy-zdarouya
[5] https://zviazda.by/be/tags/medycyna