Звыш 24 мільёнаў індывідуальных пенсійных рахункаў адкрыта ў камерцыйных банках Кітая пасля таго, як у лістападзе мінулага года ў краіне было абвешчана аб укараненні індывідуальнага пенсійнага плана ў дадатак да цяперашняга механізму страхавання па старасці. Аб гэтым заявілі ў Камітэце па кантролі і кіраванні банкаўскай і страхавой дзейнасцю КНР, перадае «Жэньмінь жыбаа» анлайн» [3].
Як паведаміла ведамства, цяпер банкаўскія і страхавыя ўстановы планамерна прасоўваюць для ўладальнікаў індывідуальных пенсійных рахункаў разнастайныя фінансавыя прадукты, такія як назапашвальныя прадукты, прадукты па кіраванні капіталам і камерцыйнае пенсіённае страхаванне.
У рамках пілотнай сістэмы індывідуальных пенсій фізічныя асобы могуць добраахвотна рабіць штогадовыя ўзносы на суму да 12 тысяч юаняў (каля 1,7 тысячы долараў) на індывідуальны пенсійны рахунак, а таксама карыстацца падатковымі льготамі пры выплаце ўзносаў. Гэтыя сродкі прызначаны спецыяльна для набыцця фінансавых прадуктаў, звязаных з індывідуальнай пенсіяй.
У мінулым месяцы ў Кітаі была запушчана першая партыя з сямі прадуктаў па кіраванні прыватным пенсіённым капіталам, што стала найноўшай спробай краіны пашырыць крыніцы пенсійнага даходу насельніцтва, паведамілі ў цэнтры па кіраванні банкаўскім капіталам China Banking Wealth Management Registration and Depository Center.
Зараз механізм страхавання па старасці ў Кітаі складаецца з трох асноўных частак: фонды базавага страхавання па старасці для рабочых і служачых прадпрыемстваў, праграма дадатковых пенсійных назапашванняў для супрацоўнікаў прадпрыемстваў і праграма дадатковых пенсійных назапашванняў для супрацоўнікаў дзяржбюджэтных устаноў, а таксама сістэма прыватных пенсій і камерцыялізаваныя фінансавыя паслугі па пенсіях, арыентаваныя на індывідуальных асоб.
Спасылкі
[1] https://zviazda.by/be/u-svece
[2] https://zviazda.by/be/vestki-z-kitaya-0
[3] http://russian.people.com.cn/
[4] https://zviazda.by/be/tags/knr
[5] https://zviazda.by/be/vestki-z-kitaya
[6] https://zviazda.by/be/tags/pensiynyya-rahunki
[7] https://zviazda.by/be/tags/kamercyynyya-banki-0