У дзень адкрытых дзвярэй у БДУ прадстаўлена новая спецыяльнасць — «дзяржаўны аўдыт», перадае [1] БелТА.
Па ініцыятыве Камітэта дзяржаўнага кантролю з новага навучальнага года ў Беларускім дзяржаўным універсітэце адкрыецца новая спецыяльнасць — «дзяржаўны аўдыт».
Падрыхтоўка па гэтым напрамку ў Беларусі будзе ажыццяўляцца ўпершыню, яна арыентавана на фінансава-эканамічную дзейнасць дзяржаўных устаноў і органаў дзяржаўнай улады. Выпускнікі змогуць працаваць у дзяржаўных структурах, на буйных прадпрыемствах, у аўдытарскіх кампаніях. Адкрыццю новай спецыяльнасці садзейнічала цеснае супрацоўніцтва Камітэта дзяржкантролю і эканамічнага факультэта БДУ.
«Мы бачым, якімі кампетэнцыямі павінен валодаць сучасны спецыяліст у галіне аўдыту. У першую чаргу гэта міждысцыплінарныя навыкі: базавыя эканамічныя веды, аналітыка дадзеных, уменне праводзіць пафактарны аналіз, мадэляваць сітуацыі і сцэнарыі развіцця падзей», — адзначыла начальнік Галоўнага ўпраўлення кантролю бюджэтна-фінансавай сферы КДК Юлія Аўхукова. — У сваю чаргу Камітэт дзяржкантролю плануе ўдзельнічаць у адукацыйным працэсе, каб падзяліцца ведамі і сваім досведам».
Юлія Аўхукова дадала, што спецыялісты на новай спецыяльнасці будуць рыхтавацца не толькі для дзяржаўных органаў, якія ажыццяўляюць кантрольную дзейнасць, але і для службаў унутранага аўдыту і ведамаснага кантролю дзяржаўных арганізацый.
Фота: БелТА
Спасылкі
[1] https://www.belta.by/society/view/v-bgu-predstavlena-novaja-spetsialnost-gosudarstvennyj-audit-558747-2023/
[2] https://zviazda.by/be/tags/bdu
[3] https://zviazda.by/be/tags/dzyarzhauny-audyt
[4] https://zviazda.by/be/tags/specyyalnasc
[5] https://zviazda.by/be/tags/vnu
[6] https://zviazda.by/be/tags/studenty