Супрацоўнікі Першамайскага РУУС сталіцы затрымалі 31-гадовага непрацуючага мінчаніна, які скраў веласіпед, стылізаваны пад рарытэтны матацыкл.
"Грамадзянін праходзіў каля аднаго з дамоў па Лагойскім тракце і заўважыў двухколавы транспартны сродак, што стаяў на балконе пажарнай лесвіцы. Тут жа з'явілася думка "прыхватызаваць" веласіпед, стылізаваны пад матацыкл 1970-1980-х гадоў, — расказала прэс-сакратар Першамайскага РУУС г. Мінска Вольга Куцько. — Дачакаўшыся, пакуль жыхары будуць вяртацца дадому пасля працы, зламыснік пад выглядам госця трапіў услед за імі ўсярэдзіну і скраў веласіпед. Транспартны сродак грамадзянін прадаў у той жа дзень за 50 долараў".
Сяргей РАСОЛЬКА.
Спасылкі
[1] https://zviazda.by/be/zdarenni