Такую ацэнку даў па выніках "прамой лініі" з насельніцтвам у Гродне старшыня Камітэта дзяржаўнага кантролю Беларусі Аляксандр ЯКАБСОН.
Практычна ўсе звароты на "прамую лінію" датычыліся тых ці іншых жыллёва-камунальных праблем, прычым ніводная з іх не патрабавала рэакцыі на рэспубліканскім узроўні, а толькі на мясцовым.
— Не павінна быць такога ў Гродне. Ёсць больш праблемныя тэрыторыі, але і там няма такой лавіны скаргаў. Значыць, ёсць штосьці ў сістэме ЖКГ
горада нездоравае. Трэба ўважліва паглядзець на гэтую сітуацыю і зрабіць неабходныя захады, — запатрабаваў Аляксандр Якабсон ад гарадскіх улад.
Гэтую заклапочанасць падзяляе і Андрэй Худык, які нядаўна ўзначаліў Гродзенскі гарвыканкам. Шэраг кіраўнікоў ЖКГ горада звольнены. На думку мэра, праблема гарадской жыллёва-камунальнай сферы зусім не ў фінансаванні, а ў дрэннай арганізацыі працы, адсутнасці кантролю. Не ведаюць, што трэба рамантаваць у першую чаргу, дзе найбольш праблемныя аб'екты. А грошы ёсць, больш за тое, сёлета сродкі на капітальны рамонт жылля не выкарыстаны ў тым аб'ёме, што выдзелены з бюджэту горада.
Аляксандр Якабсон даручыў нефармальна падысці да разгляду зваротаў на "прамую лінію" — па кожным павінна быць адпаведная рэакцыя згодна з заканадаўствам.
У той жа дзень старшыня Камітэта дзяржаўнага кантролю Беларусі пабываў у ТАА "Біяком Тэхналогія" (Гродзенскі раён), дзе разам з калектывам гэтага прадпрыемства былі абмеркаваны парушэнні ў знешнеэканамічнай дзейнасці, а таксама ў Іўеўскім раёне па пытаннях біялагічнай абароны жывёл на свінагадоўчым комплексе, корманарыхтоўкі і рэканструкцыі малочнатаварнай фермы.
Барыс ПРАКОПЧЫК.
Спасылкі
[1] https://zviazda.by/be/tags/barys-prakopchyk
[2] https://zviazda.by/be/z-zhyccya
[3] https://zviazda.by/be/kampetentna
[4] https://zviazda.by/be/tags/grodna
[5] https://zviazda.by/be/tags/grodzenski-rayon
[6] https://zviazda.by/be/tags/starshynya-kamiteta-dzyarzhaunaga-kantrolyu-belarusi-alyaksandr-yakabson
[7] https://zviazda.by/be/tags/sistema-zhkg
[8] https://zviazda.by/be/tags/andrey-hudyk
[9] https://zviazda.by/be/tags/grodzenski-garvykankam
[10] https://zviazda.by/be/tags/taa-biyakom-tehnalogiya