З 1 кастрычніка ў краіне стартуе адно з самых папулярных паляванняў — загоннае на капытных, сезон якога будзе доўжыцца да 31 снежня.
Загоннае паляванне дазволена ў светлы час сутак на ўсе віды капытных паляўнічых жывёл за выключэннем зубра рэзервовага дзяржфонду. Дапускаецца здабыча жывёл любога полу і ўзросту ў адпаведнасці з зацверджанымі планамі вымання.
Для здабычы лася, высакароднага і плямістага аленяў, лані і дарослага дзіка дазваляецца прымяняць наразную паляўнічую зброю з дульнай энергіяй кулі звыш 3000 джоўляў, гладкаствольную паляўнічую зброю з патронамі з кулямі. Для здабычы казулі і маладых дзікоў да двух гадоў — наразную паляўнічую зброю з дульнай энергіяй кулі звыш 1500 джоўляў, гладкаствольную з патронамі з кулямі або шротам. Дапускаецца выкарыстанне паляўнічых лукаў і арбалетаў, а таксама паляўнічых сабак (пароды — па рашэнні карыстальніка паляўнічых угоддзяў).
З 1 кастрычніка па 31 снежня дазволена таксама індывідуальнае паляванне на капытных з засады і з падыходу цягам сутак.
Сяргей РАСОЛЬКА
rs@zviazda.by [3]
Спасылкі
[1] https://zviazda.by/be/tags/syargey-rasolka
[2] https://zviazda.by/be/gramadstva
[3] mailto:rs@zviazda.by
[4] https://zviazda.by/be/tags/palyavanne
[5] https://zviazda.by/be/tags/sezon
[6] https://zviazda.by/be/tags/zagonnae-palyavanne-na-kapytnyh
[7] https://zviazda.by/be/tags/kapytnyya
[8] https://zviazda.by/be/tags/kazulya
[9] https://zviazda.by/be/tags/dzikiya-zhyvyoly