Такое нелагічнае спалучэнне адразу прыцягнула ўвагу дарожнага патруля. А калі чалавек літаральна пабег цераз пераход на чырвоны сігнал святлафора, супрацоўнікі міліцыі зразумелі, што трэба затрымліваць. І як высветлілася, не памыліліся — расказала супрацоўніца Брэсцкага абласнога ўпраўлення ДАІ Наталля САХАРЧУК.
Чалавек гэты аказаўся асобай без пастаяннага месца жыхарства, знешні выгляд быў таму красамоўным сведчаннем, а вось элегантная дамская сумка яму мала пасавала. Ды ён і не стаў адпірацца, калі прывезлі для разбору ў Маскоўскі РАУС Брэста. Сумленна расказаў, што маёмасць украў, а скарыстацца чужым не паспеў. У сумцы побач з кашальком ды іншымі рэчамі знаходзіўся мабільны тэлефон, таму гаспадыню знайшлі хутка.
Злодзей затрыманы. Адсутнасць пастаяннага месца жыхарства, як вядома, не вызваляе ад крымінальнай адказнасці.
Святлана ЯСКЕВІЧ
Спасылкі
[1] https://zviazda.by/be/tags/svyatlana-yaskevich
[2] https://zviazda.by/be/gramadstva
[3] https://zviazda.by/be/zdarenni
[4] mailto:yackevіch@zvіazda.by
[5] https://zviazda.by/be/tags/zdarenne
[6] https://zviazda.by/be/tags/sumka
[7] https://zviazda.by/be/tags/kradzezh