У сувязi з пераходам у ноч з 29 на 30 кастрычнiка ў суседнiх краiнах на зiмовы час Беларуская чыгунка сумесна з чыгуначнымi адмiнiстрацыямi Украiны, Лiтвы, Латвii i Польшчы загадзя правяла карэкцiроўку раскладу руху мiжнародных паяздоў, паведамiлi ў прэс-цэнтры магiстралi.
Напрыклад, поезд №86 Мiнск — Кiеў, якi ў цяперашнi час адпраўляецца са сталiцы ў 22.40 i прыбывае ў Кiеў у 8.52, з 30 кастрычнiка будзе адпраўляцца з Мiнска ў той жа час, а прыбываць у Кiеў у 7.52. У зваротным напрамку з пераходам на зiмовы час поезд будзе адпраўляцца ў 21.19 (у цяперашнi час адпраўляецца ў 22.28), час прыбыцця ў нашу сталiцу застанецца без змяненняў — 8.38.
Час адпраўлення з Мiнска поезда №805 Мiнск — Вiльнюс пасля пераходу на зiмовы час застанецца без змяненняў — 8.00, але прыбываць у Вiльнюс састаў будзе на гадзiну раней — у 09.30 (цяпер — у 10.30). У зваротным кiрунку цягнiк №806 Вiльнюс — Мiнск будзе адпраўляцца ў 18.12 (цяпер — у 19.12), а час прыбыцця ў нашу сталiцу застанецца без змяненняў — 21.42.
Пасля 30 кастрычнiка таксама зменiцца расклад руху поезда № 87 Мiнск — Рыга — састаў будзе адпраўляцца з Мiнска ў 22.25 без змяненняў (час прыбыцця ў Рыгу зменiцца з 10.00 на 9.00); у зваротным кiрунку поезд №88 будзе адпраўляцца з Рыгi ў 19.20 (зараз 20.20), i прыбываць у Мiнск ён будзе без змяненняў у 8.19.
Пасля пераходу на зiмовы час таксама зменiцца час адпраўлення i прыбыцця паяздоў мiжнародных зносiн, якiя iдуць транзiтам па тэрыторыi Беларусi ў краiны Заходняй Еўропы i ў зваротным кiрунку. Акрамя таго, у сувязi са зменамi ў графiку руху мiжнародных паяздоў скарэктаваны i расклад некаторых паяздоў рэгiянальных i мiжрэгiянальных лiнiй, якiя курсіруюць па тэрыторыi Беларусi.
Падрабязную iнфармацыю аб раскладзе мiжнародных паяздоў, паяздоў рэгiянальных i мiжрэгiянальных лiнiй можна атрымаць на сайце Беларускай чыгункi www.rw.by [3], а таксама ў чыгуначных касах i па тэлефонах даведачных службаў.
Сяргей РАСОЛЬКА
rs@zviazda.by [4]
Спасылкі
[1] https://zviazda.by/be/tags/syargey-rasolka
[2] https://zviazda.by/be/gramadstva
[3] http://www.rw.by/
[4] mailto:rs@zviazda.by
[5] https://zviazda.by/be/tags/belaruskaya-chygunka
[6] https://zviazda.by/be/tags/zimovy-chas
[7] https://zviazda.by/be/tags/rasklad-ruhu
[8] https://zviazda.by/be/tags/mizhnarodnyya-payazdy