Карныя меры ў дачыненнi да iх прыпынены на 6 месяцаў — да 30 красавiка 2017 года. Прэс-служба Мiнiстэрства замежных спраў нашай краiны ўчора абнародавала на сваiм сайце каментарый, у якiм гаворыцца, што МЗС вiтае такое рашэнне амерыканскага боку.
«Пры гэтым мы застаёмся перакананымi ў тым, што поўная адмена iснуючых санкцый ЗША самым спрыяльным чынам садзейнiчала б больш дынамiчнаму развiццю беларуска-амерыканскiх адносiн», — гаворыцца далей у каментарыi прэс-службы.
На гэтым тыднi ў нашай краiне знаходзiцца намеснiк памочнiка дзяржсакратара ЗША Брыджыт Брынк. Яна ўжо сустрэлася з прадстаўнiкамi некалькiх ведамстваў, у тым лiку з Уладзiмiрам Макеем, мiнiстрам замежных спраў. Як заявiла Брыджыт Брынк падчас сустрэчы з прадстаўнiкамi СМI, у Дзяржаўным дэпартаменце ЗША разлiчваюць на далейшае паляпшэнне стасункаў з Беларуссю.
«Я i мае калегi спадзяёмся, што тое паляпшэнне адносiн, якое мела месца ў апошнiя 13—14 месяцаў, працягнецца. Ёсць шмат аспектаў у двухбаковых адносiнах, якiя маюць для нас вялiкую важнасць. Мы заўсёды будзем лiчыць галоўнымi з iх правы чалавека i дэмакратыю», — сказала намеснiк памочнiка дзяржсакратара ЗША. Па словах Брыджыт Брынк, ЗША разлiчваюць, што нармалiзацыя адносiн з Беларуссю адбудзецца. «Гэта тычыцца i пытання абмену пасламi. Але гэта паступовы працэс, — прызнала яна. — Бакi падзяляюць погляд пра неабходнасць нармалiзацыi i паляпшэння адносiн памiж краiнамi».
Гаворачы аб парламенцкай выбарчай кампанii ў нашай краiне, Брыджыт Брынк канстатавала, што ў ЗША вiтаюць мiрны характар правядзення выбараў, адзначаюць пэўны прагрэс. Разам з тым яна лiчыць важнай далейшую работу па рэалiзацыi рэкамендацый АБСЕ па ўдасканаленнi выбарчага працэсу.
Даведка «Звязды»
Санкцыi ЗША ў дачыненнi да прадпрыемстваў нашай краiны ўвёў у 2006 годзе колiшнi прэзiдэнт Злучаных Штатаў Джордж Буш, з таго часу яны дзейнічалі аж да канца мiнулага года. У санкцыйны спiс уваходзяць: «Беларускi нафтавы гандлёвы дом», канцэрн «Белнафтахiм», Belneftekhim USA Inc., «Белшына», «Гродна Азот», «Гродна Хiмвалакно», «Лакафарба», «Нафтан» i «Полацк-Шкловалакно».
Надзея ЮШКЕВIЧ
Спасылкі
[1] https://zviazda.by/be/tags/nadzeya-yushkevich
[2] https://zviazda.by/be/ekanomika
[3] mailto:yushkevich@zviazda.by
[4] https://zviazda.by/be/tags/zsha
[5] https://zviazda.by/be/tags/tavary
[6] https://zviazda.by/be/tags/sankcyi
[7] https://zviazda.by/be/tags/ministerstva-zamezhnyh-sprau-1
[8] https://zviazda.by/be/tags/grodna-azot-0
[9] https://zviazda.by/be/tags/belshyna
[10] https://zviazda.by/be/tags/naftan
[11] https://zviazda.by/be/tags/belnaftahim-0