У Мінску ў Верхнім горадзе 11 верасня адкрыўся XIII Рэспубліканскі фестываль нацыянальных культур. Творчыя калектывы 25 нацыянальнасцяў прынялі ўдзел у адкрыцці фестывалю нацыянальных культур у Мінску. Свята прыцягнула ўвагу жыхароў горада і гасцей Беларусі з розных краін свету. Пляцоўка ля Ратушы з самае раніцы запоўнілася рытмічнымі мелодыямі, шматлікімі ўсмешкамі і галасамі 25 нацыянальнасцяў, сярод якіх былі беларусы, азербайджанцы, армяне, афганцы, башкіры, грузіны, дагестанцы, габрэі, індыйцы, карэйцы, кітайцы, малдаване, немцы, палякі, палестынцы, рускія, татары, туркмены, украінцы, цыганы, чувашы. Яны сабраліся разам, каб пазнаёміць адзін аднаго і ўсіх жадаючых са сваёй нацыянальнай культурай, паказаць традыцыйныя ўборы, упрыгажэнні, музычныя інструменты, мясцовыя стравы і напоі. Расказаць, чым адрозніваецца культура аднаго народа ад іншага, і данесці, што розніца ў знешнасьці, мове, рэлігіі, менталітэце не падстава для канфлікту, а матыў для знаёмства і збліжэння.
Фота Рамана КЛЮЧЫНА.
Интервью с олимпийским чемпионом по фехтованию.
Профессионально, оперативно, по-хорошему.
