На ХІХ Сусветным кангрэсе рускай прэсы «Партнёрства ў імя будучыні: прыярытэты сучаснай цывілізацыі» Выдавецкі дом «Звязда» быў узнагароджаны Ганаровай граматай ад урада Расійскай Федэрацыі за подпісам старшыні Дзмітрыя Мядзведзева.
Як адзначаецца ў дакуменце, узнагарода была ўручана «за вялікі ўклад у захаванне рускай мовы і культуры, а таксама ў справу кансалідацыі суайчыннікаў за мяжой».
Выдавецкі дом «Звязда» з'яўляецца выдаўцом медыйнай і кніжнай прадукцыі галоўным чынам на беларускай мове, разам з тым пэўную частку сваёй выдавецкай дзейнасці вядзе таксама і на рускай. Так, на сёння ў Выдавецкі дом «Звязда» ўваходзяць такія выданні на рускай мове, як газета «Союз-Евразия» (выдаецца як укладка ў газету «Звязда»)
і часопіс «Нёман». Часткова на рускай мове выходзяць часопісы «Алеся» і «Родная прырода». Важнай часткай дзейнасці Выдавецкага дома з'яўляецца і рэалізацыя сумесных праектаў з газетамі і часопісамі Расійскай Федэрацыі.
Уладзіслаў ЛУКАШЭВІЧ
Спасылкі
[1] https://zviazda.by/be/author/uladzislau-lukashevich
[2] https://zviazda.by/be/gramadstva
[3] https://zviazda.by/be/medyya
[4] mailto:lukashevich@zvіazda.by
[5] https://zviazda.by/be/tags/vydavecki-dom-zvyazda-3